09:31, 19 - ناۋرىز 2019 | GMT +6
قىرعىزستاننىڭ بۇرىنعى پرەزيدەنتى اتامبايەۆ باسقاراتىن پارتيا وپپوزيتسياعا قوسىلادى
استانا. قازاقپارات - قىرعىزستاننىڭ بۇرىنعى پرەزيدەنتى المازبەك اتامبايەۆ باسقاراتىن سوتسيال- دەموكراتيالىق پارتياسى وپپوزيتسياعا وتەتىنىن مالىمدەدى. بۇل تۋرالى 18 - ناۋرىزدا پارتيا وكىلى قۇندىز جولدىبايەۆا ايتتى.
جولدىبايەۆانىڭ سوزىنشە، پارتيانىڭ كەزەكتى سيەزى 6 - ساۋىردە وتەدى.
قىرعىزستاننىڭ بۇرىنعى پرەزيدەنتى المازبەك اتامبايەۆ اقسى وقيعاسىنىڭ 17 جىلدىعىنا ارنالعان ەسكە الۋ شاراسىندا قازىرگى پرەزيدەنت سوورونباي جەەنبەكوۆتى ەلدە «وتباسىلىق- كلاندىق بيلىكتى» قايتا ورناتتى دەپ ايىپتاعان.
ول جەەنبەكوۆتى بيلىككە اكەلگەنى ءۇشىن حالىقتان كەشىرىم سۇراعان. سول كۇنى باسقا شارادا سويلەگەن جەەنبەكوۆ بيلىكتەگى كلاندىق باسقارۋعا قارسى ەكەنىن مالىمدەگەن.
سوتسيال- دەموكراتيالىق پارتياسى 1993 -جىلى قۇرىلعان. اتامبايەۆ - پارتيا قۇرۋشىلارىنىڭ ءبىرى. ءبىراق اتامبايەۆ پەن جەەنبەكوۆ اراسىنداعى ساياسي تارتىستان كەيىن پارتيا ەكىگە بولىنگەن. ءبىر بولىگىنە اتامبايەۆ جەتەكشىلىك ەتەدى. ەكىنشىسىن، پارلامەنتتەگى فراكسياسىن جەەنبەكوۆ باسقارادى.
www.azattyq.org