قازاقستاندىق عالىمدار وتقا جانبايتىن قۇرىلىس ماتەريالىن ويلاپ تاپتى

الماتى. قازاقپارات - قازاقستاندىق جاس عالىمدار وتقا ءتوزىمدى، جىلۋدى جاقسى ساقتايتىن قۇرىلىس ماتەريالىن ويلاپ تاپتى، دەپ حابارلايدى قازاقپارات ءتىلشىسى.

 يننوۆاتسيالىق جوبانى بۇكىلالەمدىك بانك قولدادى.

ق. ساتپايەۆ اتىنداعى قازاق ۇلتتىق عىلىمي تەحنيكالىق ۋنيۆەرسيتەت عالىمدارى ۆاكۋۋمدى جىلۋ يزولياتسيالىق پانەل شىعاردى. جاڭا ماتەريال پەنوپوليۋرەتان، پەنوپوليستيرول، مينەرالدى جانە اينەك ماقتاسىنان 4-6 ەسە جىلۋدى جاقسى ساقتايتىن قاسيەتىمەن بەلگىلى بولدى.

ۆاكۋۋمدى پانەلدىڭ باستى جەتىستىگى - ەكولوگيالىق تازا، ۇزاققا شىدايدى، قالاۋعا جەڭىل، وتقا جانبايدى.

زەرتحانا جاعدايىندا ماتەريالدىڭ بارلىق جاقسى قاسيەتتەرى راستالدى.

عالىمدار بۇل ماتەريالدى 5-6 جىلدان بەرى زەرتتەپ كەلەدى.

«ءونىمدى يننوۆاتسيالاردى ىنتالاندىرۋ» جوباسى اياسىندا بۇكىلالەمدىك بانك پەن قر ۇكىمەتى قولدادى.

 «قازىر سىناما رەتىندە بىرنەشە دانا شىعارىلعان. ءبىز گرانتتىڭ ءۇشىنشى كەزەڭىندە تۇرمىز. جاقىندا ماتەريالداردى اپروباتسيالاۋدى باستايمىز»، - دەدى يدەيا اۆتورى SAVENERGY كومپانياسىنىڭ باس ديرەكتورى رۋسلان نۇرلىبايەۆ.

وتاندىق ءونىم ادام اعزاسىنا زيانسىز. جويۋدى قاجەت ەتپەيدى.

زاۋىتتا كىرپىشتەر كەز- كەلگەن پىشىندە تسيليندر، شار، دوڭگەلەك، ويىعى بار تۇردە شىعاتىن بولادى. كىرپىشتەر ەۋروپالىق قۇرالدا قۇيىلادى.

 «ۆاكۋۋم پانەلدەر ۇيلەردى، اكىمشىلىك عيمارات، قويمالاردى قالاۋعا پايدالانىلادى. يننوۆاتسيالىق ەرەكشەلىكتەرى كىرپىشتەردىڭ جاسالعان شيكىزاتىندا. شيكىزات ەمبىدەگى ميكروكرەمنيي ەلەمەنتىنەن جاسالادى. قازاقستاندىق ءونىم بولعاندىقتان، باعاسى دا باسەكەگە قابىلەتتى بولماق»، - دەدى رۋسلان نۇرلىبايەۆ.

زەرتتەۋلەر كورسەتكەندەي، عيماراتتاردىڭ جىلۋىنىڭ % 40- ى قابىرعالار ارقىلى جوعالادى.

بۇل عيماراتتاردىڭ ەنەرگوتيىمدىلىگىن ارتتىرادى.

الماتى كاسىپكەرلەر پالاتاسى يننوۆاتسيالىق نوۋ حاۋ تەحنولوگياسىن پوتەنتسيالدى تاپسىرىس بەرۋشىلەرگە - مەملەكەتتىك ورگاندارعا، جوبالاۋ ينستيتۋتتارىنا، قۇرىلىس كومپانيالارىنا ۇسىنۋدى باستادى.

اۆتور: گۇلميرا عوسمانالي