استانادا شورت-ترەكتەن قازاقستان چەمپيوناتى باستالدى
قازاقستان چەمپيوناتىنا الماتى، استانا، شىمكەنت قالالارى مەن قوستاناي، قاراعاندى، پاۆلودار، باتىس قازاقستان جانە شىعىس قازاقستان وبلىستارىنان سپورتشىلار جينالدى.
سونداي-اق، ابزال اجىعاليەۆ، نۇربەرگەن جۇماعازيەۆ، دەنيس نيكيشا سىندى ۇلتتىق قۇرامانىڭ ۇزدىكتەرى دە بىرىنشىلىكتەن سىرت قالماعان.
«بۇگىن ءبارىمىز استاناداعى ۇلتتىق چەمپيوناتقا جينالىپ وتىرمىز. بۇل ماۋسىمداعى سوڭعى رەسمي جارىس. وسىدان سوڭ ازداعان ءۇزىلىس الىپ، جاڭا كەزەڭگە دايىندىقتى باستايمىز. «الاۋ» مۇز ايدىنى ءبىز ءۇشىن وتە قولايلى. مۇندا جوعارى ناتيجە تىركەۋگە مۇمكىندىك بار»، - دەيدى ۇلتتىق قۇراما مۇشەسى ەركەبۇلان شامۇحانوۆ.
اياعىنىڭ جاراقاتىنا بايلانىستى الەم چەمپيوناتى مەن كۋبوكتىك دودالارعا قاتىسپاعان ابزال اجىعاليەۆ قاتارعا ورالدى.
«جاڭا ماۋسىم مەن ءۇشىن ءساتتى باستالعان ەدى. الەم كۋبوگى كەزەڭدەرىندە ۇزدىكتەر قاتارىنان كورىندىم. دەگەنمەن، اياقتاعى جاراقاتىم ءارى قاراي دا جوعارى ناتيجە كورسەتۋگە مۇمكىندىك بەرمەدى. سول سەبەپتى، ءبىراز ءۇزىلىس الىپ، دەنساۋلىعىمدى رەتكەن كەلتىردىم. قازاقستان چەمپيوناتىندا كوماندالىق سىندا جانە ەستافەتادا باق سىنايمىن. جەكەلەگەن قاشىقتىقتارعا ءالى دە دايىن ەمەسپىن»، - دەيدى ابزال.
ايتا كەتۋ كەرەك، شورت-ترەكتەن قازاقستان چەمپيوناتى 18-20- ناۋرىز ارالىعىندا وتەدى.