21:26, 18 - ناۋرىز 2019 | GMT +6
ەلباسى استاناداعى قازاقستان مۇسىلماندارى ءدىني باسقارماسىنىڭ جاڭا عيماراتىن ارالاپ كوردى
استانا. قازاقپارات - نۇرسۇلتان نازاربايەۆ ەلوردانىڭ الماتى اۋدانىنداعى قازاقستان مۇسىلماندارى ءدىني باسقارماسىنىڭ جاڭا عيماراتىن ارالاپ كوردى، دەپ حابارلايدى اقوردانىڭ رەسمي سايتى.
مەملەكەت باسشىسى قازاقستان مۇسىلماندارى ءدىني باسقارماسىنىڭ قازىرگى جۇمىسىمەن جانە الداعى جوسپارىمەن تانىستى، سونداي-اق قىزمەتكەرلەرمەن اڭگىمەلەستى.
- سىزدەردىڭ جۇمىستارىڭىز ءۇشىن بارلىق جاعداي جاسالدى. ءبىز سىزدەرمەن بىرگە حالىقتىڭ يگىلىگى ءۇشىن ەڭبەك ەتەمىز. ەگەر مەملەكەتتە بىرلىك پەن كەلىسىم بولماسا، ونداي ەلدىڭ بولاشاعى جوق، - دەدى قازاقستان پرەزيدەنتى.
نۇرسۇلتان نازاربايەۆ جيىنعا قاتىسۋشىلاردى كەلە جاتقان ناۋرىز مەيرامىمەن قۇتتىقتاپ، ءدىني باسقارمانىڭ جۇمىسىنا تابىس تىلەدى.
***
«نۇرلى استانا» كورپوراتيۆتىك قورى قازاقستان مۇسىلماندارى ءدىني باسقارماسى جاڭا عيماراتىنىڭ قۇرىلىسىن 2015 -جىلدىڭ قازان ايىندا باستاپ، 2018 -جىلعى جەلتوقساندا اياقتادى.