ەڭ ۇلكەن ۇشاقتار

None
None
استانا. قازاقپارات - تەحنولوگيانىڭ دامۋىمەن اۋە كولىكتەرىنىڭ دە ءتۇر- ءتۇرى شىعىپ جاتىر. ەڭ اۋىرى دەيسىز بە، ەڭ كوپ جولاۋشى تاسىمالدايتىن ۇشاق دەيسىز بە؟ !..

ەڭ ۇلكەن اۋە كولىكتەرى تىزىمىنە اسكەري دە، ازاماتتىق تا ۇشاقتار جاتادى. مىسالى، انتونوۆ ان-225 م ر يا سالماعى جاعىنان ەشكىمگە دەس بەرمەي كەلەدى. ال كوكتە بار بولعانى جارتى مينۋت ۇشقان Hughes H-4 Hercules قانات قۇلاشىنىڭ ۇزىندىعى بويىنشا گيننەس رەكوردتار كىتابىنا ەنگەن. نازارلارىڭىزعا رەكورد ورناتقان 5 ۇشاقتى ۇسىنامىز:

 Hughes H-4 Hercules



سالماعى: 113,399 كەلى، ۇزىندىعى: 66,65 مەتر، قاناتىنىڭ قۇلاشى: 97,54 مەتر، العاش كوككە كوتەرىلگەن ءساتى: 1947 -جىل. قازىرگى تاڭدا Hughes H-4 Hercules ۇشاعى قانات قۇلاشىنىڭ ۇزىندىعى بويىنشا ەشكىمگە دەس بەرمەي تۇر. سوناۋ 1947 -جىلى اعاشتان جاسالعان بۇل ۇشاق باستاپقى كەزدە 700 اسكەردى تاسىمالدايدى دەپ جوسپارلاعان. الايدا كوككە بار بولعانى 26 سەكۋندقا كوتەرىلدى. قازىر بۇل ۇشاق ا ق ش- تىڭ ماكميننۆيلل قالاسىنداعى ەۆەرگرين اتىنداعى اۆياتسيا جانە عارىشكەرلىك مۇراجايىندا ساقتاۋلى.

اعاش ۇشاقتىڭ بيىكتىگى 24 مەتر، ال ۇزىندىعى 66 مەترگە جەتەدى. قاناتىنىڭ قۇلاشى - 97 مەتر. سالماعى - 113 كەلى.

 انتونوۆ ان-225 مريا



سالماعى: 285000 كەلى ۇزىندىعى: 84 مەتر. قاناتىنىڭ قۇلاشى: 88,4 مەتر. العاش كوككە كوتەرىلگەن ءساتى: 1988 . الەمدە سالماعى جاعىنان قارسىلاس شاق كەلتىرمەيتىن - انتونوۆ ان-225 مريا ۇشاعى. التى قوزعالتقىشى بار مريا تاريحتاعى ەڭ اۋىر جانە ۇزىن ۇشاق سانالادى. 1988 -جىلدان بەرى كوكتە تەك ءبىر عانا ان-225 قالىقتاپ ءجۇر.

Boeing 747-8



سالماعى: 220128 كەلى. ۇزىندىعى: 76,3 مەتر. قاناتىنىڭ قۇلاشى: 68,4 مەتر. العاش كوككە كوتەرىلگەن ءساتى: 2010 . (B747-8F) بوينگ 747-8 - ەڭ ۇزىن جولاۋشى تاسىمالدايتىن ۇشاق. 1970 -جىلدان باستاپ شىعارىلعان Boeing 747-8 «اسپان پاتشايىمى» اتانعان. Airbus A380 جولاۋشى سانى بويىنشا رەكوردتى جاڭارتقانىنا قاراماستان «اسپان پاتشايىمى» ەڭ ۇزىن جولاۋشى تاسىمالدايتىن ۇشاق رەتىندە گيننەس رەكوردتار كىتابىنا كىردى.

 انتونوۆ ان-124



 سالماق: 175000 كەلى. ۇزىندىعى: 68,96 مەتر. قاناتىنىڭ قۇلاشى : 73,3 مەتر. العاش كوككە كوتەرىلگەن ءساتى: 1982 . ان-124 ۇشاعى مرياعا ۇقساس بولعانىمەن الدەقايدا كىشى. دەگەنمەن ءالى كۇنگە دەيىن ەڭ ءىرى اسكەري- تاسىمالداۋشى اتاعىن ەشكىمگە بەرمەي كەلەدى. رەسەي اسكەرى ان-124 ۇشاعىمەن ەڭ اۋىر تەحنيكالاردى تاسىمالدايدى.

Airbus A380-800



 سالماعى: 277000 كەلى. ۇزىندىعى: 72,72 مەتر. قاناتىنىڭ قۇلاشى: 79,75 مەتر. ول العاش كوككە كوتەرىلگەن ءساتى: 2005  . Airbus. ا380 - الەمدەگى ەڭ ۇلكەن جولاۋشى تاسىمالدايتىن ۇشاق. ونىڭ ۇزىندىعى - 80,65 م، بيىكتىگى - 24,08 م، قاناتىنىڭ ۇزىندىعى - 79,75 م. ۇشاقتا 853 جولاۋشى تاسىمالدايتىن ءبىر كلاسس نە 525 ورىندى ءۇش كلاسس بولادى.

 15 مىڭ كيلومەتردەن دە الىس قاشىقتىققا ەشقانداي ايالداماسىز جەتكىزە الادى. بۇل الىپتى قۇراستىرۋ ءۇشىن Airbus S. A. S. كومپانياسىنىڭ ون جىل ۋاقىتى كەتكەن. قۇراستىرۋشىلاردىڭ ايتۋى بويىنشا، ۇشاقتى قۇراستىرۋداعى باستى ماسەلە - ونىڭ سالماعىن ازايتۋ بولعان. ول ءۇشىن ۇشاقتىڭ كومپوزيتسيالىق ماتەريالدارىنا كوڭىل بولگەن. ال ۇشاقتى قۇراستىرۋدا اليۋميندى قۇيما، كومىرتەك تالشىقتارى، قوسپالى ماتەريالدار پايدالانىلعان.

العاش رەت 2005 -جىلى 18 - قاڭتار كۇنى تۋلۋزا قالاسىندا جاريالانعان، ال 2005 -جىلدىڭ 27 - ساۋىرىندە اتالعان قالادا تۇڭعىش رەت سىناق رەتىندە ۇشقان. 2007 -جىلى 15- قازاندا Singapore Airlines كومپانياسى Airbus ا380 ۇشاعىنا يە بولادى، ءسويتىپ 25 - قازاندا ا380 ۇشاعى العاشقى رەت كوممەرتسيالىق ساپار جاسادى. سينگاپۋردان ساعات 04:16 تا (ماسكەۋ ۋاقىتى بويىنشا) ۇشىپ، 7,5 ساعات اۋەدە شارلاپ، سيدنەيگە ەشقانداي قاتەرسىز قونادى. بۇل ساپاردا 455 جولاۋشى، 30 ەكيپاج مۇشەسى مەن ءتورت ۇشقىش بولعان.

Massaget.kz

سوڭعى جاڭالىقتار