ەۋروپالىقتار تەرەزەلەرىنە نەگە پەردە تۇتپايدى؟

None
None
 استانا. قازاقپارات - ەۋروپانىڭ كەي ەلدەرىنىڭ تۇرعىندارى تەرەزەلەرىنە پەردە تۇتپايدى. اسىرەسە نيدەرلاند، گەرمانيا مەن شۆەتسيا مەملەكەتتەرىندە مۇنى انىق بايقاۋعا بولادى.

 سىرى نەدە ەكەن؟ كارى قۇرلىقتا تەرەزەنى قىمتاماۋ، پەردە تۇتپاۋ تۇسىنىگى تاريحي وقيعالارمەن بايلانىستى. ال ول تاريحي وقيعالاردىڭ تامىرى تەرەڭدە جاتىر. جۇزدەگەن جىلدار بۇرىن ەۋروپالىق ەلدەر بيلىگى پەردە تۇتۋعا تىيىم سالعان. سەبەبى ول ۇيدە ادام تۇراتىنىن، نە تۇرمايتىنىن اينالاداعىلار ءبىلۋى ءتيىس دەپ ەسەپتەگەن. جەكە تۇلعا ۇيىندە ەشتەڭە جاسىرماۋى كەرەك. بۇل ءبىر شەتىنەن حالىقتى قاداعالۋدىڭ ءبىر جولى سانالعان. قالاداعى ءتارتىپ ساقشىلارى ءار ءۇيدىڭ تەرەزەسىنە ءۇڭىلىپ، بيلىككە قارسى قانداي دا ءبىر جينالىس بولماۋىن قاداعالاعان. بۇل زاڭ ەۋروپادا XVI- XVII عاسىرلاردا كۇشىندە بولعان. اسىرەسە رەفورماتسيا ءداۋىرى كەزەڭىندە كۇشەيە ءتۇستى.

قازىرگى تاڭدا ەۋروپادا رەفورماتسيا دا، زاڭسىز جينالىستار دا جوقتىڭ قاسى. ايتكەنمەن ەرتەرەكتەگى زاڭ داستۇرگە اينالىپ قالىپ قويعان. حالىق تۇسىنىگىندە «اشىقتىق بەلگىسى» سانالادى. كەي ادامدار جۇرتتىڭ نازارى ءۇي ىشىنە اۋماس ءۇشىن تەرەزە الدىنا گۇل نەمەسە وزگە دە زاتتار قويادى. ەۋروپالىقتار مۇلدە پەردە تۇتپايدى ەمەس. كەش باتاردا كوپشىلىگى (اسىرەسە تومەنگى قابات تۇرعىندارى) پەردەشەمەن (جاليۋزي) جاۋىپ جاتادى. تەرەزەگە پەردە تۇتپاۋ - سكانديناۆيالىق ديزايننىڭ جارقىن ءبىر ۇلگىسى. ەۋروپانىڭ كوپ ەلدەرىندە بۇل ءداستۇر ءالى كۇنگە دەيىن ساقتالىپ كەلەدى. ءارى بولمە ءستيلىنىڭ ءبىر ءتۇرى.

Massaget.kz

سوڭعى جاڭالىقتار