20:29, 18 - ناۋرىز 2019 | GMT +6
شىمكەنتتە قىزعالداق گۇلدەدى
شىمكەنت. قازاقپارات - شىمكەنتتە قالانىڭ سيمۆولى سانالاتىن قىزعالداق گۇلدەدى، دەپ حابارلايدى قازاقپارات قالا اكىمدىگىنىڭ باسپا ءسوز قىزمەتىنە سىلتەمە جاساپ.
قالا كوشەلەرى مەن ساياباقتارىندا شامامەن 1 ميلليون 114 مىڭ قىزعالداق گۇلى اشىلدى. ولاردىڭ باسىم كوپشىلىگى گوللانديالىق سارى، قىزىل، كوك، قىزعىلت سارى، كۇلگىن ءتۇستى گۇلدەر.
قالانى اباتتاندىرۋشى مامانداردىڭ ايتۋىنشا، گۇلدەر ساۋلەتكەرلەر مەن سۋرەتشىلەردىڭ سالعان ەسكيزدەرىنە ساي وتىرعىزىلعان.
قىزعالداق گۇلى ءبىر ايداي اشىلىپ تۇرادى. سوسىن ونىڭ بادانشاسىن تەرىپ الىپ، كەلەر ماۋسىمدا ەگۋ ءۇشىن ساقتاپ قويادى، ال گۇلزارلار قىزعالداقتىڭ ورنىنا جازعى گۇلدەرمەن كومكەرىلەدى.
