سۋ رەسۋرستارى كوميتەتىنىڭ ءتوراعاسى يسلام ابىشەۆ قاماۋعا الىندى

استانا. قازاقپارات - ق ر اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ ءتوراعاسى يسلام ابىشەۆ قاماۋعا الىندى، دەپ حابارلايدى قازاقپارات.

«16 -ناۋرىزدا استانا قالاسىنىڭ مامانداندىرىلعان اۋدانارالىق تەرگەۋ سوتى تەرگەۋ امالدارىن جۇرگىزۋشى ورگاننىڭ ءوتىنىشىن قاراستىردى. 2019 -جىلدىڭ 14 -مامىرىن قوسا العاندا، كۇدىكتى ابىشەۆ يسلام الماحان ۇلىنا قاتىستى قاماۋدا ۇستاۋ تۇرىندەگى بۇلتارتپاۋ شاراسىن سانكسيالاۋ تۋرالى قاۋلى شىعاردى»، - دەپ حابارلادى قالالىق سوتتىڭ باسپا ءسوز قىزمەتى.

شەنەۋنىكتى قاماۋعا الۋ سەبەپتەرى ازىرگە بەلگىسىز.

«قىلمىستىق پروتسەستىك كودەكستىڭ نورمالارىنا سايكەس، الدىن الا تەرگەۋ امالدارىن جۇرگىزۋ ۋاقىتىندا قانداي دا ءبىر دەرەكتەر جاريالانۋعا جاتپايدى»، - دەپ جاۋاپ بەردى باسپا ءسوز قىزمەتى.

ەسكە سالا كەتسەك، 15 -ناۋرىزدا ق ر اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ ءتوراعاسى يسلامبەك ابىشەۆ قىزمەتىنەن ۋاقىتشا شەتتەتىلدى.