الەۋمەتتىك قامقورلىق تۇرعىنداردى ماسىلدىققا ىنتالاندىرماۋى كەرەك - بەكتاس بەكنازاروۆ

None
None
استانا. قازاقپارات - الەۋمەتتىك قامقورلىق تۇرعىنداردى ماسىلدىققا ىنتالاندىرماۋى كەرەك. بۇل تۋرالى بۇگىن سەناتتاعى ۇكىمەت ساعاتىندا سەنات ءتوراعاسىنىڭ ورىنباسارى بەكتاس بەكنازاروۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، ەلباسىنىڭ «Nur Otan» پارتياسىنىڭ كەزەكتى سەزىندە جاريالاعان اۋقىمدى الەۋمەتتىك باستامالارىن جۇرتشىلىق ريزاشىلىقپەن جانە زور ۇمىتپەن قابىل الىپ، قىزۋ قولداۋىن ءبىلدىرىپ وتىر. دەگەنمەن، حالىقتىڭ تۇرمىسى تومەن، از قامتىلعان توبىنىڭ تابىسىن ارتتىرۋعا باعىتتالعان الەۋمەتتىك شارالاردى ىسكە اسىرۋدا كەيبىر ماسەلەنى ادىلەتتى تۇردە شەشۋ قاجەت.

«بۇل قامقورلىق تۇرعىنداردى ءوز پروبلەمالارىن مەملەكەتكە ارتىپ، ەنجارلىق بەن بەيقامدىققا، ءتىپتى ماسىلدىققا دەن قويۋعا ىنتالاندىرماۋى كەرەك. سەبەبى، بۇل كومەك جانتالاسىپ جۇمىس ىستەپ، تابىس تاۋىپ نەمەسە سوعان ۇمتىلىپ، ءوز جانۇياسىن، بالا- شاعاسىن ءوز كۇشىمەن باعۋعا تالپىنىپ، سونىڭ ناتيجەسىندە تومەنگى كۇنكورىستەن جوعارى تابىس تاۋىپ جۇرگەن جانۇيالارعا بەرىلمەيدى. مەيلى ولاردىڭ 5 بالاسى، 10 بالاسى بولسىن، ولار بۇل كومەكتى المايدى» ، - دەدى ول.

سويتە تۇرا، سەنات ءتوراعاسى ورىنباسارىنىڭ سوزىنە قاراعاندا، بۇل كومەك مۇنداي ەڭبەككە ۇمتىلماي كۇنىن وتكىزىپ، جانىن باعىپ جۇرگەن جانۇيالارعا ءبىر عانا بالاسى بولسا دا بەرىلەدى،

«وسى ماسەلە ۇلكەن سۇراق تۋىنداتادى. بۇل سۇراق جەرگىلىكتى تۇرعىندارمەن كەزدەسۋلەردە كوتەرىلدى. ال ەگەر از قامتىلعان وتباسىلارعا بەرىلەتىن كومەكتىڭ باسقا دا شارتتارى بولسا، وندا ول تۋرالى بۇگىن بىزگە جان- جاقتى جاريا ەتىلەدى دەپ سەنەمىن» ، - دەدى بەكتاس بەكنازاروۆ.

سوڭعى جاڭالىقتار