جاڭا زەلاندياداعى اتىس: قازا بولعان پاكىستان ازاماتى ەرلىگى ءۇشىن ماراپاتتالادى

 استانا. قازاقپارات - پاكىستان بيلىگى جاڭا زەلاندياداعى مەشىتتە لاڭكەستىڭ قولىنان قارۋدى تارتىپ الۋعا تىرىسقان ساتىندە قازا بولعان نايم راشيدتى ەرلىگى ءۇشىن ماراپاتتاماق، - دەپ حابارلايدى ريا نوۆوستي.

ەر ادام لاڭكەس ان-نۋر مەشىتىنە كىرگەن كەزدە ونىڭ قولىنان تاپانشانى تارتىپ الماق بولىپ سەكىرگەن. ءبىراق لاڭكەس ونى اتىپ تاستادى. راشيد پاكىستان ازاماتى بولاتىن. «پاكىستان ازاماتى اق ءناسىلدى لاڭكەستى توقتاتۋعا تىرىسىپ جاتقان كەزىندە قازا بولعان ميان نايم راشيدپەن ماقتانادى، وعان سول ەرلىگى ءۇشىن مەملەكەتتىك ماراپات بەرىلەدى»، - دەپ جازدى پاكىستان پرەمەر-ءمينيسترى يمران حان Twitter- دە.

پاكىستان سىرتقى ىستەر مينيسترلىگىنىڭ مالىمەتتەرى بويىنشا، جاڭا زەلاندياداعى لاڭكەستىك شابۋىلدا توعىز پاكىستاندىق قازا تاپقان. «كرايستچەرچتەگى تەراكت بارىسىندا قايتىس بولعان پاكىستان ازاماتتارىنىڭ وتباسىنا كەز كەلگەن قولداۋ كورسەتۋگە دايىنبىز»، - دەدى پرەمەر-مينيستر.

2019 -جىلى 15 -ناۋرىزدا جاڭا زەلانديادا كرايستچەرچتەگى (وڭتۇستىك ارال) ەكى مەشىتتە اتىس بولىپ، سونىڭ سالدارىنان 50 ادام قازا تاپتى، تاعى 50 ى ءتۇرلى جاراقاتتار الدى. ەلدىڭ پرەمەر-ءمينيسترى بۇل وقيعانىڭ تەراكت ەكەنىن ايتتى. 28 جاستاعى برەنتون تاررانت ادام ولتىرگەنى ءۇشىن ايىپتالىپ جاتىر، سەنبىدە سوت ونى 5 -ساۋىرگە دەيىن اباقتىعا قامادى.

Kaz.tengrinews.kz