عيزات نۇرداۋلەتوۆ ق ر باس پروكۋرورى بولىپ تاعايىندالدى

استانا. قازاقپارات - ق ر پرەزيدەنتى نۇرسۇلتان نازاربايەۆتىڭ جارلىعىمەن عيزات نۇرداۋلەتوۆ قازاقستان رەسپۋبليكاسىنىڭ باس پروكۋرورى قىزمەتىنە تاعايىندالدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

مەملەكەت باسشىسىنىڭ وكىمىمەن عيزات نۇرداۋلەتوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى قىزمەتىنەن بوساتىلدى.

عيزات داۋرەنبەك ۇلى ەڭبەك جولىن الماتى وبلىسى جامبىل اۋدانى پروكۋراتۋراسىندا تەرگەۋشى بولىپ باستاعان.

مەملەكەتتىك تەرگەۋ كوميتەتىندە 1996 - 1997 -جىلدارى قىزمەت اتقارعان.

1997 - جىلدان باستاپ ۇلتتىق قاۋىپسىزدىك ورگاندارىندا ەڭبەك ەتكەن. سونىمەن قاتار دەپارتامەنت باستىعىنىڭ ورىنباسارى، الماتى قالاسى جانە الماتى وبلىسى بويىنشا دەپارتامەنت باستىعى، تەرگەۋ دەپارتامەنتى باستىعى لاۋازىمىندا بولدى.

 2016 -جىلدىڭ قاراشا ايىنان باستاپ وڭتۇستىك قازاقستان وبلىسى بويىنشا ۇ ق ك دەپارتامەنتىن باسقاردى.

2017 - جىلى شىلدە ايىنان باستاپ سوڭعى تاعايىندالۋىنا دەيىن ق ر  باس پروكۋرورىنىڭ ءبىرىنشى ورىنباسارى قىزمەتىن اتقاردى.

II دارەجەلى «ايبىن» وردەنىمەن ماراپاتتالعان.

ەلباسىنىڭ جارلىعىمەن قايرات پەرنەش ۇلى قوجامجاروۆ باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ باس پروكۋرورى قىزمەتىنەن بوساتىلدى.