قارسىلاسىن نوكاۋتپەن جەڭگەن قازاق بوكسشىسى شەتەلدىك ب ا ق نازارىنا ىلىكتى

 استانا. قازاقپارات - كانادالىق ب ا ق قازاق بوكسشىسى نۇرزات سابىروۆتىڭ مونرەالداعى جەڭىسىن ەرەكشە اتاپ ءوتتى دەپ حابارلايدى Sports.kz.

جەتىنشى راۋندتا نۇرزات سابىروۆ تەحنيكالىق نوكاۋتپەن ارگەنتينالىق قارسىلاسى سەسار ەرنان رينوسونى ۇتتى.

«نۇرزات سابىروۆ - وسى شوۋدىڭ ۇزدىك جۇلدىزى. بۇل وتە جاقسى جەتىستىك»، - دەپ جازدى TVA Sports ساراپشىسى نەنسي ودە Twitter جەلىسىندەگى پاراقشاسىندا.

ايتا كەتەيىك، وتاندىق سپورتشى كاسىپقوي بوكستاعى العاشقى كەزدەسۋىن 2017-جىلدىڭ ماۋسىم ايىندا وتكىزگەن. سودان بەرى ول توعىز رەت جەڭىسكە جەتتى.

قازاقستاندىق بوكسشى سەگىز كەزدەسۋىندە قارسىلاسىن نوكاۋتقا جىبەرگەن.