قازاقستاندىقتار قاتەرلى ىسىكتىڭ قاي تۇرىنە ءجيى شالدىعادى
«سوڭعى 20 جىلدىڭ ىشىندە قازاقستاندا قاتەرلى ىسىكپەن اۋىرعاندار سانى 8 پايىزعا ءوستى (100 مىڭ حالىققا شاققاندا 181,2-دەن 195,7-گە دەيىن). سالىستىرۋ ءۇشىن ەكونوميكالىق ىنتىماقتاستىق جانە دامۋ ۇيىمى (ە ى د ۇ) ەلدەرىندە سايكەس كەزەڭدە وبىردان سىرقاتتانۋشىلىقتىڭ ءوسۋى 11,5 پايىزدى قۇرايدى. 1999 -جىلدان باستاپ قازاقستاندا قاتەرلى ىسىكتەردەن ءولىمنىڭ جالپى 42 پايىزعا تومەندەۋى تىركەلدى (100 مىڭ حالىققا شاققاندا 136,4-تەن 78,3-كە دەيىن). ەكونوميكالىق ىنتىماقتاستىق جانە دامۋ ۇيىمى ەلدەرىندە ءولىمنىڭ تومەندەۋ قارقىنى -15,5 پايىز»، - دەدى ەلجان ءبىرتانوۆ.
ونىڭ سوزىنە قاراعاندا، ە ى د ۇ ەلدەرىندە وبىرمەن اۋرۋ مەن ءولىم كورسەتكىشتەرى قازاقستاننان جوعارى بولۋ سەبەبى ورتاشا ءومىر ءسۇرۋ جاسىنىڭ ۇزاقتىعىنا ءارى وسى ەلدەردە ونكولوگيالىق قىزمەتتىڭ دامۋىنا، سونداي- اق وبىردىڭ باستاپقى ساتىلارىندا ەرتە انىقتاۋ مۇمكىندىگىنە جانە ەمدەۋدىڭ جوعارى تەحنولوگيالىق ادىستەرىن قولدانۋعا بايلانىستى.
«2019 -جىلعى 1 - قاڭتارداعى جاعداي بويىنشا قاتەرلى ىسىك دياگنوزىمەن ديسپانسەرلىك بايقاۋدا 181 مىڭ پاتسيەنت تۇر. 2018 -جىلى 35753 ادام العاش رەت ەسەپكە الىندى، ونىڭ 44,3 پايىزىن ەرلەر جانە 55,7 پايىزىن ايەلدەر قۇرادى. وبىردان قايتىس بولعانداردىڭ اراسىندا ەرلەر ۇلەسى 53,8 پايىز. العاش اۋىرعانداردىڭ 60 پايىزعا جۋىعى 18 جاستان 63 جاسقا دەيىنگى ەڭبەككە قابىلەتتى جاستاعىلار. سىرقات تانۋشىلىق قۇرىلىمىندا ءسۇت بەزىنىڭ وبىرى (%12,6)، وكپە وبىرى (%9,9)، اسقازان وبىرى (%9,9) الدىڭعى ورىنداردا تۇر. سودان كەيىنگى ورىندا جاتىر موينى مەن تىك ىشەك وبىرى (%4,7) تىركەلگەن»، - دەدى ە. ءبىرتانوۆ.
ونىڭ اتاپ وتۋىنشە، ءولىمنىڭ نەگىزگى سەبەپتەرى رەتىندە وكپە وبىرى (% 16,5)، اسقازان وبىرى (%11,5)، ءسۇت بەزىنىڭ وبىرى (%8,4) ايقىندالدى.
اۆتور: رۋسلان عابباسوۆ