استانادا «قازاق ارۋى» بايقاۋى وتەدى
ۇيىمداستىرۋشىلاردىڭ ايتۋىنشا، كونكۋرسقا قاتىسۋعا بارشا قازاقستاننان 16-22 جاس ارالىعىنداعى 600-دەن اسا ارۋ ءوتىنىم بەرگەن. بايقاۋ شارتتارىنا سايكەس، «قازاق ارۋى» اتانۋعا ۇمىتكەرلەر قازاق تىلىندە ەركىن سويلەپ، ادەبيەت، تاريح سالالارىن، قازاق حالقىنىڭ سالت- داستۇرلەرى مەن ادەت- عۇرىپتارىن بىلۋگە ءتيىس. بۇدان باسقا، كونكۋرسانتتار سىمباتتى، بۇرىمدى، ال بويى كەمىندە 170 س م بولۋى كەرەك.
«قازاق ارۋى-2019» بايقاۋىنىڭ باعدارلاماسى ءۇش كەزەڭ بويىنشا وتەدى - شىعارماشىلىق، ينتەللەكتۋالدىق بايقاۋ جانە قازاقستاندىق ديزاينەرلەر كيىمدەرىنىڭ كورسەتىلىمى (دەفيلە). ارۋلار ءبىر جارىم ايدان بەرى كاسىپقوي ماماندار - حورەوگرافتار، رەجيسسەرلەر، ديزاينەرلەر، ۆيزاجيستەر مەن ستيليستەردىڭ كومەگىمەن بايقاۋدىڭ فينالىنا دايىندالىپ ءجۇر.
«قازاق ارۋىن» انىقتاۋ ءۇشىن ءادىل قازىلار القاسى بەلگىلەندى، ونىڭ قۇرامىندا ايگۇل مۋكەي، دينارا ساتجان، قاراقات ءابىلدينا، بولات ماجاعۇلوۆ، ەرىك جولجاقسىنوۆ، ارمان سەيتمامىت، جوبا پروديۋسەرى بايان الاگوزوۆا، «قازاق ارۋى-2018» گران- پري يەگەرى نابيرا راقىمجان جانە تاعى باسقا تانىمال ازاماتتار بار. قازىلار القاسىنىڭ ءتورايىمى - ق ر پارلامەنتى سەناتىنىڭ دەپۋتاتى، قوعام قايراتكەرى ءبىرعانىم ءايتىموۆا.