باقىت سۇلتانوۆ استاناداعى كوپبالالى وتباسىلارعا قانداي كومەك كورسەتۋدى تاپسىردى

استانا. قازاقپارات - استانا قالاسىنىڭ اكىمى باقىت سۇلتانوۆ كوپبالالى جانە تۇرمىسى تومەن وتباسىلارعا قولداۋ كورسەتۋ شارالارىن اتاپ ءوتتى، دەپ حابارلايدى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ سىلتەمە جاساپ.

1. از قامتىلعان وتباسىلار ءۇشىن تۇرعىن ءۇي كومەگى ورتاشا ەسەپپەن % 18- عا ارتتى. 2 مىڭ وتباسى كوممۋنالدىق قىزمەتتەرىن تولەۋگە كومەك الادى (34 ميلليون تەڭگە).

2. 18 جاستان اسقان مۇمكىندىگى شەكتەۋلى تۇلعالاردى كۇتۋشىلەر تەگىن جولاقىىمەن قامتاماسىز ەتىلەدى (1,3 ميلليارد تەڭگە).

3. ۇيدە ءبىلىم الاتىن مۇمكىندىگى شەكتەۋلى بالالارعا كورسەتىلەتىن كومەك 25 مىڭ تەڭگەگە دەيىن (6,5 ا ە ك- تەن 10 ا ە ك) ءوستى (23 ميلليون تەڭگە).

4. مەملەكەتتىك الەۋمەتتىك تاپسىرىس اياسىندا تەگىن تەحنيكالىق جانە كاسىبي ءبىلىم الۋعا قولداۋ كورسەتىلەدى (2986 ادامعا 1,5 ميلليارد تەڭگە ءبولىندى).

5. بيۋدجەتتىك ۇيىم قىزمەتكەرلەرىنە 2 مىڭ تۇرعىن ءۇي سەرتيفيكاتىن بەرۋ ءۇشىن 2 ميلليارد تەڭگە قاراستىرىلدى.

6. كوپبالالى وتباسىىنىڭ بالالارىنا، ونىڭ ىشىندە مەكتەپ وقۋشىلارى، جوعارى وقۋ ورىندارى مەن كوللەدج ستۋدەنتتەرىنە تەگىن جولاقىسى بەرىلەدى. بۇل كومەكتى 36 مىڭ ادامدى الادى. وسى قولداۋعا بيۋدجەتتەن 208 ميلليون تەڭگە قاراستىرىلادى.

7. 1-11 - سىنىپتاردا وقيتىن كوپبالالى وتباسىنىڭ بالالارىنا مەكتەپتە تەگىن ىستىق تاماق بەرىلەدى. وسى ساناتتاعى 32 مىڭ بالاعا 971 ميلليون تەڭگە بولىنەدى.

8. كوپبالالى جانە تۇرمىسى تومەن وتباسىنىڭ بالالارىنا، جەتىم بالالارعا ارنايى ساۋىقتىرۋ دەمالىسى ۇيىمداستىرىلادى (10 مىڭ بالاعا 500 ميلليون تەڭگە بولىنەدى)؛

9. وسى ساناتتاعى وتباسى بالالارى مەكتەپ فورماسىمەن جانە قاجەتتى وقۋ قۇرال- جابدىقتارىمەن تەگىن قامتاماسىز ەتىلەدى (32 مىڭ بالاعا 638 ميلليون تەڭگە بولىنەدى)؛

10. كوپبالالى جانە تۇرمىسى تومەن وتباسىنىڭ بالالارى، سونداي- اق، مۇگەدەك بالالاردىڭ بالاباقشاعا تەگىن بارۋىنا قولداۋ كورسەتىلەدى. وسى ارقىلى اتا- انالاردىڭ جۇمىسقا تۇرۋىنا، وتباسىنىڭ تابىسىن ارتتىرۋىنا جاعداي جاسالادى. بيۋدجەتتە 3,8 مىڭ بالانى قامتۋ ءۇشىن 513 ميلليون تەڭگە قاراستىرۋ كوزدەلگەن.

11. كوپبالالى وتباسىدان شىققان 180 تۇلەككە استاناداعى جوعارى وقۋ ورىندارىندا كەڭ تارالعان ماماندىقتار بويىنشا ءبىلىم الۋعا ارنايى گرانتتار بەرىلەدى (25 ميلليون تەڭگە، جىلىنا 500 مىڭ تەڭگە).

 12. كوپبالالى انالارعا ءتىس دارىگەرىنىڭ قىزمەتى (ساناتسيا، پروتەزدەۋ) تەگىن ۇسىنىلاتىن بولادى. بۇل كومەكپەن 10 مىڭ ادام قامتىلىپ، 404 ميلليون تەڭگە بولىنەدى.

13. بيۋدجەت ناقتىلانعاننان كەيىن كوپبالالى وتباسىلار كومىر الۋ ءۇشىن الەۋمەتتىك كومەك الۋشىلار ساناتىنا قوسىلادى (1000 وتباسىنا 26,3 ميلليون تەڭگە بولىنەدى).