قازاقستان سىرتقى ساياساتىن كۇشەيتۋدە
وندا اۆتور قازاقستان الەمدىك ارەنادا ءوزىنىڭ بەدەلىن ارتتىرىپ جاتقانى ايتىلعان. سونداي-اق اۆتور «2014-2020-جىلدارعا ارنالعان سىرتقى ساياسات كونتسەپتسياسىنا» سايكەس قازاقستان رەسپۋبليكاسى دامۋشى مەملەكەتتەرگە قارجىلاي كومەك بەرىپ جاتقانىن جازادى.
«تاۋەلسىزدىك العاننان بەرى قازاقستان باسقا مەملەكەتتەرگە كومەك كورسەتۋگە 450 ميلليون دوللار جۇمساعان»، - دەي كەلە اۆتور دۇنيەجۇزىلىك بانكتىڭ الەمدىك ەكونوميكانىڭ باسەكەگە قابىلەتتىلىك رەيتينگىندە قازاقستان 2012-جىلى 51-ورىن العانىن جازعان.
«بۇل قازاقستان پرەزيدەنتىنە جاڭا ۇلتتىق ستراتەگيا - «قازاقستان-2050» باعدارلاماسىن قابىلداۋعا اسەر ەتتى. بۇل باعدارلامانىڭ باستى ماقساتى - قازاقستاندى دامىعان ەلۋ ەلدىڭ قاتارىنا كىرگىزۋ»، - دەپ جازادى اۆتور. ونىڭ ايتۋىنشا، ەلىمىزدە ءارتۇرلى مەملەكەتتەردەگى دامۋ باعدارلامالارىن قولداۋعا ارنالعان KazAID ۇلتتىق اگەنتتىگى قۇرىلعان.
«قازاقستان كورشىلەس تاجىكستانعا 2015-جىلى 4,7 ميلليون دوللار گۋمانيتارلىق كومەك كورسەتكەن. سونداي-اق بىلتىر نۇرسۇلتان نازاربايەۆ وزبەكستان پرەزيدەنتى شاۆكات ميرزيەيەۆقا قازاقستاندىق وقۋ ورىندارىندا وقۋ ءۇشىن ستۋدەنتتەرگە ون مىڭ گرانت ءبولۋدى ۇسىنعان ەدى. ال بىلتىر قازاقستان پاريجدە وەسر باسقارۋ كوميتەتىنىڭ 25-پلەنارلىق وتىرىسىنا شاقىرىلعان بولاتىن. سوڭعى جىلدارى قازاقستاننىڭ حالىقارالىق ارەناداعى ءرولى ارتتى. قازاقستان ورتالىق ازيا ەلدەرى اراسىنان ءبىرىنشى بولىپ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولدى. سونىمەن قاتار 2017-جىلى EXPO حالىقارالىق كورمەسىن وتىزگەنىن دە اتاپ ءوتۋ كەرەك»، - دەپ جازىلعان باسىلىمدا.