قازاقستان مەن يتاليا كاسپيدەگى كەن ورنىن بىرلەسىپ يگەرۋگە كەلىستى

استانا. قازاقپارات - كاسپي تەڭىزىنىڭ قازاقستان سەكتورىنداعى اباي مۇناي-گاز بلوگىندا ەندى قازاقستاندىق جانە يتاليالىق كومپانيالار بىرلەسىپ بارلاۋ جۇمىستارىن جۇرگىزەدى، دەپ حابارلايدى قازاقپارات.

Caspian News باسىلىمىنىڭ جازۋىنشا، وسى اپتادا يتاليا مەن قازاقستان وكىلدەرى بىرنەشە جوبالاردى ينۆەستيتسيالاۋ تۋرالى كەلىسىمدەرگە قول قويعان.

«قاز مۇناي گاز» جانە يتاليانىڭ ەنەرگەتيكالىق الىبى سانالاتىن «Eni»  كومپانيسىنىڭ قۇزىرلى كومپانياسى - «Eni Isatay» كەلىسىم جاساپ، ەنەرگەتيكا مينيسترلىگىنىڭ قۇپتاۋىن كۇتۋدە. كەلىسىم بويىنشا بارلاۋ جۇمىستارى قازاقستاننىڭ ءتيىستى زاڭدارىنا سايكەس جۇرگىزىلەتىن بولادى»، - دەپ جازادى باسىلىم.

اۆتوردىڭ اتاپ وتۋىنشە، اباي مۇناي كەن ورنى 8-10 مەتر تەرەڭدىكتە ورنالاسقان. وندا 337 ميلليون توننا قور بار دەپ بولجانۋدا.

«Eni»  كومپانياسى 1992-جىلدان بەرى قازاقستانعا 15 ميلليارد دوللار ينۆەستيتسيا سالدى»، - دەلىنگەن اقپاراتتا.