ماماندار ناۋرىز مەرەكەسىندە تاماقتان ۋلانىپ قالماۋدىڭ جولدارىن ايتتى
مەرەكەلىك داستارقاندى تاماقتان ۋلانۋ وقيعاسى بۇزۋى مۇمكىن. وسىعان بايلانىستى، مەرەكە كۇندەرىندە تاماقتان ۋلانۋدىڭ الدىن الۋ ءۇشىن دەمالىستا مىناداي قاعيدالاردى ساقتاۋ ۇسىنىلادى.
مەرەكەلىك ۇستەلدەن تاعامدار دايىنداۋ كەزىندە ولاردى ساقتاۋ جانە پايدالانۋ مەرزىمىن ساقتاڭىزدار، شيكى جانە دايىن تاعامداردى بىرگە ساقتاۋعا جول بەرمەڭىزدەر، ال ساپاسىزدىققا ازداعان كۇدىك پايدا بولعاندا، اسىرەسە وتكەن كەشتەگى ۇستەلدەن قالعان تاعامداردى پايدالانباۋ كەرەك. جەكە گيگيەنا قاعيدالارىن جانە تازالىقتى ساقتاڭىزدار.
قۇس ەتىنەن جاسالعان، جۇمىرتقا قوسىلعان دايىن تاعامدار، مايونەز جانە قايماق قوسىلعان سالاتتار، كرەمى بار كونديتەرلىك ونىمدەر (تورتتار، بالىشتەر) بارىنشا ۇلكەن قاۋىپ توندىرەدى.
ادەتتە قوعامدىق تاماقتانۋ جانە ساۋدا وبەكتىلەرى مەرەكە كۇندەرى اسپازدىق جانە كرەمى بار كونديتەرلىك ونىمدەردى ۇلكەن مولشەردە دايىندايدى. وسى كۇندەرى ساقتاۋ جانە ساتۋ مەرزىمى قىسقا ءتۇرلى سالاتتار، ەت جانە بالىقتان دايىندالعان تىسكە باسارلار، ەت سىلىكپەلەرى، قۇيما ەتتەر، تاۋىق ەتىنەن جاسالعان تاعامدار جانە باسقالارى ەڭ كوپ سۇرانىسقا يە بولادى.
وسىعان بايلانىستى، تاماق ءونىمىنىڭ قاۋىپسىزدىگىن جانە ساپاسىن راستايتىن قۇجاتتاردىڭ بولۋىنا، سونداي-اق ولاردى ساتۋ جانە ساقتاۋ جاعدايلارىنا نازار اۋدارۋدى سۇرايمىز.
سونداي-اق مەيرامحانالار جانە ءدامحانالار باسشىلارىنىڭ نازارىن ناۋرىز مەيرامى كۇندەرى تاماقتان ۋلانۋدىڭ الدىن الۋ ماسەلەلەرىنە كوڭىل اۋدارامىز.
«جالپى رەسپۋبليكالىق ءىس-شارالاردى وتكىزۋگە بەلسەندى قاتىسقانى ءۇشىن جانە وسىمەن ءبىر مەزگىلدە تاماقتان ۋلانۋ مەن ىشەك ينفەكتسيالارىنىڭ الدىن الۋ ءۇشىن قاجەتتى سانيتارلىق ەرەجەلەردىڭ ورىندالۋىن سۇرايمىز»، - دەلىنگەن كوميتەتتىڭ حابارلاماسىندا.