08:41, 18 - ناۋرىز 2019 | GMT +6
ۋنيۆەرسيتەت بازاسىندا وسىمدىك مايى وندىرىلەدى
استانا. قازاقپارات - س. سەيفۋللين اتىنداعى قازاق اگروتەحنيكالىق ۋنيۆەرسيتەتىندە وسىمدىك مايى جانە جاناما ونىمدەرىن وندىرەتىن وقۋ تەحنولوگيالىق پلاتفورما ىسكە قوسىلدى.
بۇل تۋرالى اتالعان ۋنيۆەرستەت رەكتورى اقىلبەك كۇرىشبايەۆ ءوزىنىڭ فەيسبۋك پاراقشاسىندا جازدى، دەپ حابارلايدى قازاقپارات.
«ۋنيۆەرسيتەت قابىرعاسىندا تاعى ءبىر وسىمدىك مايى جانە باسقادا جاناما ونىمدەر وندىرەتىن وقۋ تەحنولوگيالىق پلاتفورما اشىلدى. ەندىگى ۋاقىتتا بۇل جەردە ستۋدەنتتەر تاجىريبە جيناقتاسا، ال عالىمدار ونىڭ بازاسىندا وزدەرىنىڭ عىلىمي ازىرلەمەلەرىن قۇراتىن بولادى»، - دەپ جازدى ج و و باسشىسى.
جاڭادان اشىلعان پلاتفورما كاليفورنيانىڭ UC Davis ۋنيۆەرسيتەتى پروفەسسورلارى ۇسىنعان پرينتسيپ پەن ديزاينعا سايكەس قۇرىلدى.
«ءبىز ءۇشىن تاعى ءبىر ماڭىزدىسى، ۋنيۆەرسيتەت قىزمەتكەرلەرى وسىمدىك مايىن ءوز باعاسىنا ساتىپ الا الادى. الداعى ۋاقىتتا وزىمىزدە حالۆا شىعاراتىن بولامىز»، - دەيدى ا. كۇرىشبايەۆ.