استانادا ناۋرىز مەرەكەسىنە وراي قايىرىمدىلىق مارافونى وتەدى
قايىرىمدىلىق شاراسىنا كەز كەلگەن ادام قاتىسا الادى. الدىمەن قاتىسۋشى ءوزىنىڭ ەركىمەن مۇمكىندىگىنە قاراي جۇگىرۋ قاشىقتىعىن تاڭداپ، سوعان سايكەس جارنا تولەۋى ءتيىس. ياعني مارافون ەرەجەسىنە سايكەس 500 مەترگە جۇگىرەمىن دەۋشى 5000 تەڭگە، 5 شاقىرىم 7000 تەڭگە، 10 شاقىرىم 7000 تەڭگە، 21 شاقىرىم 7000 تەڭگە كولەمىندە اقشا تولەيدى.
«جۇگىرۋ مارافونىنا 2-2,5 مىڭ ارالىعىندا ادام قاتىسادى دەپ جوسپارلانۋدا، سونداي-اق، جۇگىرۋ جارىسىنا كاسىبي جەلاياق مارافونشىلار دا تارتىلادى. شارادان تۇسكەن قاراجاتتىڭ جارتىسى قايىرىمدىلىق ماقساتىنا جۇمسالادى.
«AstanaNauryzMarathon» مارافونى وتەتىن تاس جول IAAF/AIMS ەرەجەسىنە سايكەس اككرەديتتەلگەن ماماندارمەن سەرتيفيكاتتالعان»، - دەلىنگەن مارافوننىڭ رەسمي سايتىندا. «AstanaSportLife» كومپانياسىنىڭ ۇيىمداستىرۋىمەن وتەتىن سپورتتىق شاراعا استانا قالاسىنىڭ اكىمدىگى قولداۋ ءبىلدىرىپ وتىر.
ايتا كەتەيىك، «AstanaNauryzMarathon» قايىرىمدىلىق مارافونى قالاداعى ترياتلون ساياباعىندا (ب. مومىش ۇلى، 2) وتەدى.