ناۋرىز ايىندا بولاتىن اعزاداعى وزگەرىستەر

كوكتەمنىڭ العاشقى ايى ناۋرىزدا تابيعات پەن ادام بولمىسىندا ءبىز بىلمەيتىن كوپتەگەن وزگەرىستەر ورىن الادى.

 استرولوگتار بۇل ايدىڭ قاي كۇنى جايلى، قاي كۇنى قولايىز ەكەنىن ەسەپتەپ كورىپ، ايدىڭ تۋۋ مەن تولۋ ارالىعىن ءتورت كەزەڭگە بولەدى. ولار:

 كىشىرەيۋ، جاڭا اي، تولۋ، تولعان اي كەزەڭدەرى. وسىنىڭ ءارقايسىسىنىڭ اعزاعا وزىندىك اسەرى بار. ەندەشە تانىسىپ، بىلە وتىرىڭىزدار. اعزانى تازارتۋعا تاپتىرماس ۋاقىت ناۋرىزدا ايدىڭ كىشىرەيۋ كەزەڭى 1 -  5 جانە 22-31 - ارالىعىندا وتەدى. مۇنى تەڭىزدەگى سۋدىڭ تولىپ جانە تارتىلۋىنا ۇقساتۋعا بولادى. ياعني وسى كۇندەرى اعزاداعى سۇيىقتىق مولشەرى ەداۋىر كەميدى. ونىمەن بىرگە تابەت قاشىپ، قۋات ازايادى. ادام قالجىرايدى. ءبىراق مۇنى ءتيىمدى پايدالانۋعا بولادى ەكەن. اعزانى قالدىقتار مەن توكسيندەردەن تاپ وسى كۇندەرى تازارتسا، ناتيجەسى ءتيىمدى بولاتىن كورىنەدى. مىسالى، ءىش قاتۋىنان زارداپ شەگەتىن ادامدار ءىشتى جۇرگىزەتىن تۇنبا ىشسە، ونىڭ اسەرى باسقا كەزدەگىدەن جاقسىراق بولماق. اسقازاندى شايۋ، كليزما جاساۋ، بۋعا ءتۇسۋ ارقىلى تەرلەۋ، بالعىن جەمىستەردەن جاسالعان شىرىن نەمەسە گازسىز مينەرالدى سۋ ءىشۋ توكسيندەردى قۋىپ، ارتىق مايدان ارىلۋعا كومەكتەسەدى.

 استرولوگتار اي كىشىرەيۋىنىڭ سوڭعى 3 كۇنىندە تاڭەرتەڭ، تۇستە جانە كەشكە ىشكە پرەسس جاساۋدىڭ تيىمدىلىگىنە ەرەكشە توقتالىپتى. اسىرەسە مىقىن، قارىن تۇسىنا ماي جينالعان ادامدار ءبىر اي بويى جاتتىعۋ جاساعانمەن تەڭ ناتيجەگە قول جەتكىزەدى ەكەن. جاسۋشالار جاڭارا باستايدى ناۋرىزدىڭ 6 سىنا جاڭا اي تۋادى. اعزا ءالسىز، ادام ءالجۋاز، تەز شارشاعىش، سىركەسى سۋ كوتەرمەيتىن كەز. بارىنشا ۇستامدى بولىڭىز. تابيعي مۇمكىندىكتى پايدالانىپ، اعزانى تازارتۋ جۇمىسىن جالعاستىرعان دۇرىس. تازا، گازسىز مينەرالدى سۋدى جيىرەك ءىشۋ كەرەك. قالجىراي شارشاۋدان ساقتانىڭىز. مايلى استى مەيلىنشە شەكتەپ، سۋعا جانە بۋعا پىسكەن اس، جارما بوتقاسىن، كۇنىنە ءبىر دانا بولسا دا الما نەمەسە بانان، ىرىمشىك جەۋ وتە پايدالى. ارينە، تابەت قۋاتى مول، مايلى، قۋىرىلعان اسقا تارتاتىنى ءسوزسىز. الايدا ۇستامدى بولىپ، اعزانى، ونىڭ ءاربىر جاسۋشاسىن دارۋمەنمەن تولىقتىرعان ءجون. سوندا اعزا جاسۋشالارىنىڭ جاڭارىپ، جاسارۋ پروتسەسىنە ۇلەس قوساسىز.

ءدارى ىشكەندە ساق بولىڭىز ءۇشىنشى كەزەڭدە اي تولا باستايدى. سوعان ساي اعزادا سۇيىقتىق كوبىرەك تۇزىلە باستايدى، ادام قۋاتى ارتادى. وسى كەزەڭدە دارۋمەندەر قابىلداسا، تيىمدىلىگى زور. سونىمەن قاترا سسى كەزدە العان ءبىلىم دە ساناعا تەز سىڭەدى. ياعني اعزا تولىسۋ، دامۋ ۇستىندە بولادى، بارلىق نارسەنى وزىنە ءسىڭىرىپ الادى. بۇل اي تولعانعا دەيىن جۇرەتىن پروتسەسس. ول 21 ىنە دەيىن جالعاسادى. 1-2 كيلوگرامم سالماق جيناۋدى، يممۋنيتەتتى كوتەرۋدى كوزدەگەندەر وسى كۇندەردى كادەگە اسىرعانى ءجون. ال تولىسۋعا بەيىم ادامدار تابەتتى تەجەپ، كيلوكالوري مولشەرىن قاداعالاۋى ءتيىس. سونىمەن قاتار، استرولوگتار ايدىڭ تولىسۋ پروتسەسى كەزىندە ءدارى- دارمەك قابىلداۋدا ساق بولۋ كەرەك دەيدى. سەبەبى ونىڭ جاناما اسەرى بەس ەسەگە دەيىن ارتاتىن كورىنەدى.

وتا جاساتۋدى دا قاۋىپتى سانايدى. ويتكەنى اعزادا قان مولشەرى دە ارتادى، وندا سۇيىقتىق كوپ بولۋىنا بايلانىستى ونىڭ ۇيۋ قاسيەتى تومەندەيدى ەكەن. دەگەنمەن شۇعىل وتادان باس تارتۋعا بولمايدى. ال جوسپارلى وتانى ءسال شەگەرە تۇرۋعا كەڭەس بەرەدى. جۇيكەنىڭ شيرىعۋى بايقالادى ناۋرىزدىڭ 21 نە اي تولادى. بۇل اعزادا سۇيىقتىق بارىنشا مول، كۇش- قۋات ارتىپ، ەنەرگەتيكا تاسىپ، ءتىپتى شيرىعىپ تۇراتىن كەز. جۇيكەسى جۇقا ادامداردىڭ شىرت ەتپە، تەز تۇتانعىش بولۋى وسى كەزدە بايقالادى. زەرتتەۋلەر اي تولعان كەزدە جول اپاتى باسقا كەزدەن كوبىرەك ورىن الاتىنىن دالەلدەگەن.

كەلىسپەي قالۋ، ۇرسۋ، ويلانباي جاسالعان قاتە قادام، قاجەتسىز زاتتى ساتىپ الۋ نەمەسە ساۋدادا ۇرىنىپ قالۋ دا وسى كەزدەردە كوبىرەك ورىن الادى ەكەن. ايەل ادامدار بالالارعا، وتباسى تىرلىكتەرىنە كوڭىل اۋدارۋعا كوپ كۇش- قۋات جۇمسايتىندىقتان ارتىق ەنەرگتيكادان زارداپ شەكپەيدى. ال ەر ادامداردا جۇيكەنىڭ شيرىعۋى قاتتىراق بايقالادى. سوندىقتان بۇل كەزدە قۋاتتى ەسەلەيتىن ەتتى شەكتەپ، كوكونىس، جەمىسكە باسىمدىق بەرگەنى دۇرىس بولماق. اي تۋعان كەزدەگى سياقتى، تولۋ- شيرىعۋ دا تىم ۇزاققا سوزىلمايدى. 22-ناۋرىزدان باستاپ اي قايتادان كىشىرەيۋ كەزەڭىنە وتەدى. مىنە، اي مەن اعزا اراسىنداعى بايلانىس ناۋرىزدا وسىنداي جايلارمەن بىلىنەدى ەكەن. اسا سەزىمتال ادامدار مۇنى تەز بايقايدى. ۇستامدى، سابىرلى، جۇيكەسى مىقتى ادامدارعا بۇل قاتتى سەزىلە بەرمەيدى. دەگەنمەن، قاي كەزدە دە سابىرلى بولۋعا تىرىسىڭىز.

 zamana.kz