+7 (701) 759 90 19 Лента
2 °С : استانا
17 °С : الماتى
USD 378.17 EUR 429.11
RUB 5.88 CNY 56.48
جاڭالىقتار

مينيستر مۇحامەدي ۇلى: استانا بۇكىل الەمدىك ويىنداردى وتكىزۋگە ۇمىتكەر

17 ناۋرىز 13:22 311
:ءبولىسۋ
مينيستر مۇحامەدي ۇلى: استانا بۇكىل الەمدىك ويىنداردى وتكىزۋگە ۇمىتكەر

استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى جاۋىنگەرلىك ونەر تۇرلەرى بويىنشا بۇكىل الەمدىك ويىنداردى وتكىزۋ جوسپارى تۋرالى ايتىپ بەردى، دەپ حابارلايدى قازاقپارات ءتىلشىسى.

«مەملەكەت باسشىسى نۇرسۇلتان نازاربايەۆ سالاۋاتتى ءومىر سالتىن ناسيحاتتاۋ، بۇقارالىق سپورتتى دامىتۋ جانە ونى بالالار مەن جاسوسپىرىمدەر اراسىندا كەڭىنەن ناسيحاتتاۋ جايىندا ۇنەمى ايتىپ وتىرادى. وسى ورايدا قازاقستاننىڭ جاۋىنگەرلىك ونەر قاۋىمداستىعى ەلىمىزدەگى سپورتتىڭ دامۋىنا ءوز سەپتىگىن تيگىزەدى دەپ بىلەمىز. بۇگىندە استانا 2021 -جىلى جاۋىنگەرلىك ونەر بويىنشا بۇكىل الەمدىك ويىنداردى وتكىزۋگە ۇمىتكەر ءتورت قالانىڭ قاتارىنا كىرەدى. وسىنى ەرەكشە اتاپ وتكىم كەلىپ وتىر. ءبىز بۇل پروتسەستى ءجىتى باقىلاۋدا ۇستاپ وتىرمىز» ، - دەدى ا. مۇحامەدي ۇلى قازاقستاننىڭ جاۋىنگەرلىك ونەر قاۋىمداستىعىنىڭ I كونگرەسىندە.

ايتا كەتەيىك، بۇگىن ەلوردادا قازاقستاننىڭ جاۋىنگەرلىك ونەر قاۋىمداستىعىنىڭ I كونگرەسى باستالدى. اتالعان ۇيىم وتكەن جىلى قۇرىلعان بولاتىن. ونىڭ قۇرامىنا وليمپيادالىق ەمەس سپورت تۇرلەرى بويىنشا 20 فەدەراتسيا كىرەدى. قاۋىمداستىق ءتورت باعىتتا جۇمىس ىستەيدى. سونىڭ ىشىندە كاراتە، كۇرەس، تولىق كونتاكتىلى سپورت تۇرلەرى جانە مما ارالاس جەكپە- جەكتەرى بار. ۇيىمدى ق ر ۇ ق ك ءتوراعاسى كارىم ءماسىموۆ باسقارادى. ايماقتىق فيليالدار 14 وبلىستا، استانا، الماتى مەن شىمكەنت قالالارىندا اشىلعان. «قاۋىمداستىقتى قۇرعاننان كەيىن بىزگە كۆيۋ اتالىمى بويىنشا كاراتە كيوكۋشينكايدان چەمپيوناتىن وتكىزۋگە ۇسىنىس ءتۇستى. اتالعان شارا اعىمداعى جىلى جەلتوقسان ايىندا وتەدى دەگەن جوسپار بار» ، - دەيدى ك. ءماسىموۆ


:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات