+7 (701) 759 90 19
-4 °С : نۇر-سۇلتان
3 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

تارازدا زەينەتكەرلەرگە ارنالعان ۇزاق ءومىر ءسۇرۋ ورتالىعى اشىلدى

17 ناۋرىز 15:16
:ءبولىسۋ
تارازدا زەينەتكەرلەرگە ارنالعان ۇزاق ءومىر ءسۇرۋ ورتالىعى اشىلدى

تاراز. قازاقپارات - تارازدا ناۋرىز مەرەكەسىنە وراي ەرەكشە ورتالىقتىڭ تۇساۋى كەسىلدى، دەپ حابارلايدى قازاقپارات ءتىلشىسى.

مەملەكەت باسشىسى ءوزىنىڭ جىل سايىنعى جولداۋلارىندا قارتتار مەن زەينەتكەرلەردى قولداۋ، ولارعا رۋحاني- الەۋمەتتىك كومەك كورسەتۋ ىسىنە زور ءمان بەرىپ كەلەدى. وسى ماقساتتا، جامبىل وبلىسىندا جىل باسىنان بەرى «بەلسەندى ۇزاق ءومىر» جول كارتاسى ىسكە قوسىلعان. باعدارلاما اياسىندا اشىلعان «بەلسەندى ۇزاق ءومىر ءسۇرۋ ورتالىعى» بۇل باعىتتاعى جوسپارلى جۇمىستاردىڭ ءبىر پاراسى عانا.

«قازىرگى تاڭدا وبلىستىڭ بارلىق اۋداندارىندا قاريالار باس قوساتىن «ارداگەرلەر ۇيىمى» بار. سونداي- اق، وبلىس ورتالىعىنداعى سپورت كەشەندەرىنەن ارداگەرلەرگە ارنايى بولمەلەر دە بەرىلگەن. بۇگىن ولاردىڭ قاتارى تاعى ءبىر نىسانمەن تولىقتى. جاڭا مەكەمەدە شاحمات، توعىزقۇمالاق ۇستەلدەرى، شاعىن كىتاپحانا ورنالاستىرىلعان. ورتالىق ارقىلى زەينەتكەرلەردىڭ ءومىر ءسۇرۋ ساپاسىن، كومپيۋتەرلىك بىلىمدەرىن ارتتىرۋعا، پسيحولوگيالىق، زاڭگەرلىك كومەك الۋعا مۇمكىندىك جاسالاتىن ارنايى كلۋبتار اشىلاتىن بولادى» ، - دەيدى وبلىستىق ارداگەرلەر كەڭەسىنىڭ ءتوراعاسى ەركىنبەك سولتىبايەۆ.

ايتا كەتەيىك، بۇگىنگى تاڭدا وڭىردە 123 مىڭنان استام زەينەتكەر بار. ولاردىڭ بوس ۋاقىتتارىن ءتيىمدى وتكىزۋ مەن سالاۋاتتى ءومىر سالتىن ۇستانۋلارىنا بارلىق جاعداي جاسالۋ كەرەك دەسەك، اتالعان ورتالىق وسى باعىتتا جۇمىس جاساماق.


باستى سوزدەر: ايماق,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات