+7 (701) 759 90 19
-18 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

عالىمدار ادام گەنىن وزگەرتۋگە موراتوري جاريالاۋدى سۇرادى - الەمدىك باسپا سوزگە شولۋ

17 ناۋرىز 13:07
:ءبولىسۋ
 عالىمدار ادام گەنىن وزگەرتۋگە موراتوري جاريالاۋدى سۇرادى  - الەمدىك باسپا سوزگە شولۋ

استانا. قازاقپارات - «قازاقپارات» ح ا ا ادەتتەگىدەي وقىرمان نازارىنا الەمدىك اقپارات كوزدەرىنە شولۋىن ۇسىنادى.

روبوتتى حيرۋرگيانى مەديتسينانىڭ بولاشاعى رەتىندە ايتا الامىز با؟ - The New York Times


null

ءداستۇرلى وپەراتسيالارعا قاراعاندا روبوتتى حيرۋرگيانىڭ مۇمكىندىكتەرى راسىمەن مول ما؟ The New York Times باسىلىمىنىڭ اۆتورى وسى سۇراققا جاۋاپ ىزدەپ كورىپتى.

«جوعارى تەحنولوگيالى حيرۋرگيا ءداستۇرلى وپەراتسيادان جاقسى دەپ كەسىپ ايتۋ قيىن. ءتىپتى، كەيبىر ەمدەلۋشىلەر ءۇشىن بۇل قاۋىپتى بولۋى دا مۇمكىن» ، دەپ جازادى اۆتور.

ونىڭ ايتۋىنشا، بۇگىنگى تاڭدا روبوتتى تەحنولوگيا اسىرەسە راك وپەراتسيالارىندا ءجيى قولدانىلىپ ءجۇر.

«دەگەنمەن، ۋاقىت وتە كەلە دارىگەرلەردىڭ تەحنولوگيانى ۇيرەنۋى مەن ءداستۇرلى ادىستەردىڭ ەمدەلۋشى ءۇشىن پايداسى تۋرالى ءجيى ايتىلۋدا. ەندى ماماندار روبوتتار جاساعان وپەراتسيالاردىڭ ناتيجەسى ءداستۇرلى ەمنەن دە جاقسى دەپ ايتۋدىڭ قيسىنسىز ەكەنىن جارىسا جازىپ جاتىر. دارىگەرلەر روبوتتى حيرۋرگيانىڭ قاۋىپسىزدىگى مەن تيىمدىلىگى تۋرالى كوپ زەرتتەۋى كەرەك» ، دەپ جازادى اۆتور.

ماقالادا روبوتتى جۇيەلەردىڭ مەديتسينا نارىعىنا ەنگەنىنە ون بەس جىل تولعانى ايتىلعان. ال وپەراتسيا بارىسىندا روبوتتىڭ قولىن كومپيۋتەر باسقارىپ وتىرادى.

عالىمدار ادام گەنىن وزگەرتۋگە موراتوري جاريالاۋدى سۇرادى - Nature


null

ءۇش اي بۇرىن، ناقتىراق ايتساق، 2018 -جىلدىڭ 26 قاراشاسىندا گەنەتيكالىق موديفيكاتسياعا ۇشىراعان، ياعني، گەنى وزگەرتىلگەن ەگىزدەر دۇنيەگە كەلگەن ەدى. لۋلۋ مەن نانا اتتى ەگىزدەر جاتىردا جاتقاندا ولاردىڭ گەنى ايتۆ ۆيرۋسىنا توتەپ بەرە الاتىنداي وزگەرتىلگەن. Nature جۋرنالىنىڭ جازۋىنشا، بۇل جاعداي بالالاردىڭ دەنساۋلىعى مەن ولاردىڭ ۇرپاعىنا قالاي اسەر ەتۋى مۇمكىن ەكەنى بەلگىسىز بولعاندىقتان، عىلىمي قاۋىمداستىق تاجىريبەنى قاتاڭ سىنعا العان. ال جاقىندا الەمگە تانىمال 18 عالىم ادام كلەتكالارىنا گەنەتيكالىق وزگەرىس ەنگىزۋگە موراتوري جاريالاۋدى سۇرادى.

«قىتاي عالىمى حە سزيانكۋي ادام گەنومىنا قاتىستى بارلىق ەتيكانى بۇزدى. تاجىريبەدەن كەيىن ول ادام بالالاردىڭ كەيىنگى ءومىرىن باقىلاي الاتىنىن كەپىلدىك بەرە المايدى. ءتىپتى، ول بۇل تاجىريبە ءۇشىن ەشكىمنىڭ رۇقساتىن دا المادى» ، دەپ جازادى عالىمدار.

سىبايلاس جەمقورلىققا قارسى فيلمنىڭ كومەگىمەن كۇرەسۋگە بولادى - Science Advances

زەرتتەۋشىلەر وقيعادا سىبايلاس جەمقورلىق تۋرالى ءجيى حابارلاناتىن ەپيزودى كوپ فيلم تۇسىرگەن. مامانداردىڭ ايتۋىنشا، فيلمنەن كەيىن سىبايلاس جەمقورلىق تۋرالى حابارلاۋشىلار قاتارى كۇرت ارتقان. زەرتتەۋ تۋرالى Science Advances باسىلىمى جازدى.

«ماسساچۋسەتس تەحنولوگيالىق ينستيتۋتىنىڭ قىزمەتكەرلەرى Water of Gold اتتى فيلم جەمقورلىق وقيعاسى تۋرالى حابارلاۋشىلاردىڭ سانىن ارتتىرعانىن جازدى. بۇل فيلم بۇقارالىق اقپارات قۇرالدارىنىڭ الەۋمەتتىك نورمالاردى وزگەرتىپ، سىبايلاس جەمقورلىققا قارسى كۇرەسۋگە اسەر ەتۋ مۇمكىندىگىن زەرتتەۋ ءۇشىن ارنايى تۇسىرىلگەن» ، دەپ جازادى باسىلىم.

اۆتوردىڭ ايتۋىنشا، فيلم جەلىسى اعايىندى ەكى جىگىت تۋرالى باياندايدى. كەدەي اۋىلدان شىققان اعايىندىلاردىڭ بىرەۋى قالاعا بارىپ بايىپ كەتەدى. ءسويتىپ، جەمقور ساياساتكەر بولىپ ەلىنە قايتا ورالادى. ال ونىڭ ءىنىسى ءوزىنىڭ اعاسىنان كوڭىلى قالىپ، ءوز جەرىندە سىبايلاس جەمقورلىققا قارسى شىعا باستايدى.

«فيلمدى كورگەندەردىڭ ىشىندە 240 ادام شىنىندا دا جەمقورلىق وقيعالارى تۋرالى ءتيىستى ورگاندارعا حابارلاعان» ، دەپ جازادى اۆتور.

عالىمدار اركتيكاداعى تەمپەراتۋرا ءوسىمىن توقتاتۋ مۇمكىن ەمەستىگىن ايتتى - ب ۇ ۇ


null

ب ۇ ۇ كوميسسياسىنىڭ جاڭا قۇجاتىندا عالىمدار الەم ەلدەرى ەرتەڭ اق كومىرقىشقىل گازىنىڭ ارتىق شىعۋىن توقتاتسا دا، اركتيكاداعى اۋا تەمپەراتۋراسىنىڭ ءوسۋىن توقتاتۋ مۇمكىن ەمەس ەكەنىن جازدى. عالىمداردىڭ ايتۋىنشا، اركتيكاداعى تەمپەراتۋرا عاسىر سوڭىنا دەيىن بەس گرادۋسقا ارتادى.

«اركتيكاداعى جاعداي تەك سول جەرگە قاتىستى دەسەك، قاتەلەسەمىز. عىلىم پلانەتاعا قاۋىپ توندىرەتىن جاعدايدى بولدىرماۋ ءۇشىن بارىنشا ەڭبەك ەتۋى كەرەك» ، دەيدى ب ۇ ۇ- نىڭ قورشاعان ورتا بويىنشا ديرەكتورى دجويس مسۋيا.

ونىڭ سوزىنشە، اركتيكاداعى اۋا تەمپەراتۋراسىنىڭ ءوسۋى قۇرعاقشىلىققا الىپ كەلەدى.

«اركتيكاداعى مۇزدىڭ 40 پايىزى جوعالعان. قالعانى وتە جۇقا. ياعني، ورمان ءورتى كوبەيىپ، ينفراقۇرىلىمعا زاقىم كەلەدى» ، دەپ جازادى اۆتور.

جاڭا زەلاندياداعى اتىس: ەكى مەشىتتە 500 گە جۋىق ادام بولدى - The Guardian


null

جاڭا زەلانديانىڭ كرايستچەرچ قالاسىنداعى ەكى مەشىتتە بولعان اتىستان كەم دەگەندە 49 ادام قازا تاۋىپ، ونداعان ادام جاراقات الدى. مەشىتكە شابۋىل بارىسىن برەنتون تاررانت ەسىمدى ازامات ونلاين تاراتىپ وتىرعان.

«شابۋىل الدىندا برەنتون تاررانت «The Great Replacement» اتتى مانيفەست جاريالادى. وندا ول «اق گەنوتسيد» تۋرالى بىرنەشە رەت ايتقان. جۇما كۇنى جاڭا زەلانديا بيلىگى 28 جاستاعى ازاماتتى ادام ءولتىردى دەپ ايىپتاپ، قاماۋعا الدى. سوت وتىرىسى 5 -ءساۋىر كۇنى بولادى» ، دەپ جازادى The Guardian باسىلىمى.

ءمالىم بولعانداي، ول سيدنەيدەن 600 شاقىرىم جەردە ورنالاسقان گرافتون قالاسىندا تۇرعان، بۇعان دەيىن سپورت زالىندا جۇمىس ىستەگەن.

«ونىڭ بۇرىنعى باستىعى تاررانتتىڭ ەشقانداي ەكسرەميستىك كوزقاراس تانىتپاعانىن، ءوزىن ەرسى ۇستاماعانىن ايتتى. دەگەنمەن، The Great Replacement قۇجاتىندا ونىڭ مەشىتكە شابۋىلدى 2017 -جىلى ەۋروپاعا ساپارىنان كەيىن ويلاستىرا باستاعانى ايتىلعان. قۇجاتقا سەنسەك، ستوكگولمدەگى «يسلام مەملەكەتى» ءوز موينىنا العان ەكسترەميستىك وقيعادان كەيىن تاررانت ءوز ويىن وزگەرتكەن» ، دەپ جازادى اۆتور.

دەگەنمەن، ماماندار بۇل مانيفەست جۋرناليستەرگە ارنالعان قاقپان ەكەنىن ايتىپ جاتىر. ياعني، مانيفەست اۆتورى كۇماندى مازمۇندى اقپاراتتى تروللينگ ءۇشىن جيناستىرعان بولۋى مۇمكىن. بۇل نازاردى وزىنە اۋدارىپ، ەموتسيونالدى رەاكسيا تۋعىزۋ ءۇشىن تاپتىرمايتىن امال» ، دەگەن ماماندار.

اۆتور اتىس كەزىندە ەكى مەشىتتە بەس جۇزگە جۋىق ادام بولعانىن ايتادى. اتىستان كەيىن مەشىت ماڭىنان جارىلعىش زاتتار ورناتىلعان اۆتوكولىكتەر تابىلعان. بۇل جاڭا زەلاندياداعى ەڭ قاندى وقيعا» دەيدى اۆتور. ونىڭ جازۋىنشا، اتىسقا ناقتى نەشە ادام قاتىسقانى ءالى بەلگىسىز. قازىرگى تاڭدا ءۇش ادام قاماۋعا الىنعان.

«پوليتسيا دەرەكتەرىنە سەنسەك، ۇستالعان ءۇش ادامنىڭ بىرەۋى ادام ولىمىنە ايىپتالۋدا. پوليتسيا سونداي- اق مەشىتكە شابۋىل مۇقيات دايىندالعانىن حابارلادى. ال جاڭا زەلانديا پوليتسياسىنىڭ باسشىسى وقيعا ورنىنان تاراعان ۆيدەونى ودان ءارى تاراتپاۋعا شاقىردى» ، دەپ جازىلعان.

پرەمەر- مينيستر دجاسيندا اردەرن وقيعانى تەرروريزم دەپ اتادى. الدىن الا جاريالانعان مانيفەستتە دە بۇل تەرروريستىك شابۋىل ەكەنى ايتىلعان. جاڭا زەلاندياداعى مەشىتتەر قاۋىپسىزدىك ماقساتىندا ۋاقىتشا جابىلدى.

ترامپ توتەنشە جاعداي رەجىمىن ساقتاۋ ءۇشىن ۆەتو جاريالادى - BBC


null

ا ق ش پرەزيدەنتى دونالد ترامپ توتەنشە جاعداي رەجىمىن ساقتاپ قالۋ ءۇشىن ا ق ش كونگرەسىنىڭ رەزوليۋتسياسىنا پرەزيدەنتتىك قىزمەتكە كىرىسكەلى بەرى العاش رەت ۆەتو جاريالادى. ۆۆس باسىلىمىنىڭ جازۋىنشا، پرەزيدەنت توتەنشە جاعداي رەجىمىن مەكسيكامەن شەكارادا قورعان سالۋعا قاراجات ءبولۋ ءۇشىن جاريالاعان.

«دونالد ترامپ تىكەلەي ەفيردە كونگرەسس شەشىمىنە ۆەتو جاريالادى. ترامپ كونگرەستىڭ رەزوليۋتسيا قابىلداۋعا ەركىندىگى بار ەكەنىن، ءبىراق ۆەتو جاريالاۋ ءوزىنىڭ مىندەتى ەكەنىن ايتتى. سونداي اق ول كونگرەسس شەشىمىن امەريكالىقتاردىڭ ومىرىنە قاۋىپ توندىرەتىنىن ايتتى» ، دەپ جازادى باسىلىم.

ينتەرنەتتىڭ پايدا بولعانىنا وتىز جىل تولدى - World Economic Forum


null

وتىز جىل بۇرىن ينتەرنەت پايدا بولدى. بۇگىندە الەمنىڭ تەڭ جارتىسى ونلاين وتىرادى. World Economic Forum سايتىندا وسى ارالىقتاعى وزگەرىستەر تۋرالى ماقالا جاريالاندى.

«ينتەرنەت بۇگىندە قوعامدىق الاڭعا، كىتاپحاناعا، دارىگەردىڭ كابينەتىنە، دۇكەنگە، مەكتەپكە، ديزاين ستۋدياعا، كەڭسەگە، كينوتەاتر مەن بانكقا اينالدى. ارينە، ينتەرنەتى بار حالىق ينتەرنەتكە قول جەتكىزە الماي وتىرعانداردان اناعۇرلىم بيىكتە تۇر. سوندىقتان ينتەرنەتتى كوپشىلىككە قولجەتىمدى ەتۋ ماڭىزدى» ، دەپ جازىلعان سايتتا.

سونداي- اق وندا ينتەرنەتتىڭ پايداسىنا قاتىستى سەنىمسىزدىك بىلدىرۋشىلەر قاتارى كوبەيگەنى ايتىلىپ، الداعى وتىز جىلدا بۇل جاعدايدى وزگەرتۋ ءوز قولىمىزدا ەكەنى جازىلادى.

«قازىردەن باستاپ ينتەرنەتتى ادامدار ءۇشىن تەك جاقسىلىقتىڭ قۇرالى بولاتىنداي ەتۋ كەرەك» ، دەلىنگەن وندا.

اۆتور: ايكۇمىس بولاتبەك


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات