استانادا كاراتەدان الەم چەمپيوناتى وتەدى
ايتا كەتكەن ءجون، اتالعان ۇيىم وتكەن جىلى قۇرىلعان بولاتىن. ونىڭ قۇرامىنا وليمپيادالىق ەمەس سپورت تۇرلەرى بويىنشا 20 فەدەراتسيا كىرەدى. قاۋىمداستىق ءتورت باعىتتا جۇمىس ىستەيدى. سونىڭ ىشىندە كاراتە، كۇرەس، تولىق كونتاكتىلى سپورت تۇرلەرى جانە م م ا ارالاس جەكپە- جەكتەرى بار. ۇيىمدى ق ر ۇ ق ك ءتوراعاسى كارىم ءماسىموۆ باسقارادى. ايماقتىق فيليالدار 14 وبلىستا، استانا، الماتى مەن شىمكەنت قالالارىندا اشىلعان.
«قاۋىمداستىق جاۋىنگەرلىك ونەردىڭ قۇندىلىقتارىن ناسيحاتتاپ، سپورتتىڭ دامۋىنا، سپورت سالاسىنداعى مامانداردى دايارلاۋعا ىقپال ەتەتىن بولادى. اتالعان ۇيىم قازاقستانداعى جاۋىنگەرلىك ونەردىڭ باستى ورگانىنا اينالادى. بۇگىندە ەلىمىزدىڭ بارلىق ايماقتارىندا فيليالدار اشىلىپ وتىر» ، - دەدى ك. ءماسىموۆ بۇگىنگى كونگرەستە.
ونىڭ ايتۋىنشا، وليمپيادالىق ەمەس سپورت تۇرلەرىن بىرىكتىرۋدىڭ ارقاسىندا ءبىرقاتار ناقتى شارالار دا اتقارىلدى. «قاۋىمداستىقتى قۇرعاننان كەيىن بىزگە KWU اتالىمى بويىنشا كاراتە كيوكۋشينكايدان الەم چەمپيوناتىن وتكىزۋگە ۇسىنىس ءتۇستى. اتالعان شارا اعىمداعى جىلى جەلتوقسان ايىندا وتەدى دەگەن جوسپار بار» ، - دەپ اتاپ كورسەتتى ول.
كونگرەسكە ق ر اقپارات جانە قوعامدىق دامۋ ءمينيسترى داۋرەن ابايەۆ، ق ر مادەنيەت جانە سپورت ءمينيسترى ارىستانبەك مۇحامەدي ۇلى، ق ر قورعانىس ءمينيسترى نۇرلان ەرمەكبايەۆ، سونداي- اق شەتەلدەن كەلگەن قوناقتار قاتىسۋدا. شارا بارىسىندا مينيسترلىكتەر ەكىجاقتى كەلىسىمدەردى راسىمدەيدى. ال سەكتسيالىق وتىرىستاردا سپورت سالاسىنىڭ وزەكتى ماسەلەلەرى تالقىلانادى.