+7 (701) 759 90 19 Лента
0 °С : استانا
16 °С : الماتى
USD 378.17 EUR 429.11
RUB 5.88 CNY 56.48
جاڭالىقتار

اسقار مامين: حالىقتىڭ تۇرمىسىن جاقسارتۋعا ەرەكشە كوڭىل ءبولۋ كەرەك

17 ناۋرىز 10:04 328
:ءبولىسۋ
اسقار مامين: حالىقتىڭ تۇرمىسىن جاقسارتۋعا ەرەكشە كوڭىل ءبولۋ كەرەك

شىمكەنت. قازاقپارات - ق ر پرەمەر- ءمينيسترى اسقار مامين جۇمىس ساپارى اياسىندا شىمكەنت قالاسىنىڭ اكتيۆىمەن كەزدەسىپ، قالانىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرى جونىندە كەڭەس وتكىزدى، دەپ حابارلايدى قازاقپارات ءتىلشىسى.

 ۇكىمەت باسشىسى ءۇشىنشى مەگاپوليستىڭ قارقىندى دامۋىنا قانداي جاعدايلار جاسالۋى كەرەكتىگى جانە قاجەتتى قاراجاتتاردىڭ دەر كەزىندە ءبولىنۋى بويىنشا كەڭەس وتكىزدى.

اسقار مامين قالا اكىمدىگىنە تۇرعىندارىنىڭ وزەكتى ماسەلەلەرىنە كوبىرەك كوڭىل ءبولىپ، ونداعى وزەكتى ماسەلەلەردى شەشۋ كەرەكتىگىن باسا ايتتى.

«بۇگىندە شىمكەنت - بۇل ەلىمىزدىڭ ميلليون تۇرعىنى بار جەتەكشى ونەركاسىپتىك، ەكونوميكالىق جانە مادەني ورتالىقتارىنىڭ ءبىرى. مەملەكەت باسشىسى «نۇر وتان» پارتياسىنىڭ سەزىندە ۇكىمەتكە جانە اكىمدىكتەرگە ەلدىڭ ءىرى قالالارىنىڭ شەتكى ايماقتارىن اباتتاندىرۋعا جانە پروبلەمالارىن شەشۋگە ەرەكشە نازار اۋدارۋدى تاپسىردى» ، - دەدى اسقار مامين.

پرەمەر- مينيستر سونداي- اق، شاھاردا كەشەندى جوسپار قابىلداۋعا بايلانىستى بارلىق شارالاردى تەز ارادا اياقتاپ، ونى ىسكە اسىرۋ كەرەكتىگىن تاپسىردى. سونىمەن قاتار حالىقتىڭ تۇرمىس ساپاسىن جاقسارتىپ، تابىستارىن ارتتىرۋعا ەرەكشە كوڭىل ءبولۋ قاجەتتىگىنە توقتالدى.

«ەلباسىنىڭ الەۋمەتتىك قامقورلىق، جاڭا الەۋمەتتىك شارالاردى ىسكە اسىرۋ اياسىندا از قامتىلعان ازاماتتارعا كورسەتىلەتىن الەۋمەتتىك قولداۋدى كۇشەيتىلىپ، كوپبالالى وتباسىلاردى باسپانامامەن قامتۋعا كوڭىل ءبولۋ كەرەك. قالا اكىمى وسى باعىتتاعى ماسەلەلەردى ءتيىستى مەملەكەتتىك ورگاندارمەن بىرلەسە جۇمىس ىستەپ، ەرەكشە نازاردا ۇستاۋدى تاپسىرامىن» ، - دەدى اسقار مامين.

 ءوز كەزەگىندە شاھار باسشىسى عابيدوللا ءابدىراحىموۆ شىمكەنتتىڭ دامۋىنىڭ جانە قۇرىلىس جۇرگىزۋدىڭ 2023 -جىلعا دەيىنگى كەشەندى جوسپارى، اعىمداعى جاعدايى مەن دامۋ كەلەشەگى تۋرالى باياندادى. قالادا ءبىرقاتار الەۋمەتتىك ماڭىزى بار جانە ينفراقۇرىلىمدىق نىسانداردىڭ قۇرىلىسى جوسپارلانعانىن جەتكىزدى. ولاردىڭ قاتارىندا، اۋەجايدىڭ جاڭا تەرمينالىنىڭ قۇرىلىسى، تەمىر جول ۆوكزالىنىڭ، اينالما جولدىڭ رەكونسترۋكتسياسى، قوعامدىق كولىكتى جاڭارتۋ، ەلەكتروندى بيلەت بەرۋدى ەنگىزۋ شارالارى بار. حالىقتىڭ الەۋمەتتىك ءالجۋاز توپتارىنىڭ تۇرعىن ءۇي ماسەلەلەرىن شەشۋ ءۇشىن بيىل «سەن جالعىز ەمەسسىڭ» جوباسى ىسكە اسىرىلىپ، ونىڭ اياسىندا دەمەۋشىلەر ەسەبىنەن باسپاناسى جوق از قامتىلعان وتباسىلار ءۇشىن تۇرعىن ۇيلەر سالۋ جوسپارلانعانىن ايتىپ ءوتتى.

جيىندا سونداي- اق، ەلىمىزدىڭ ءبىرقاتار مينيسترلىگىنەن كەلگەن وكىلدەر كەشەندى جوسپار بويىنشا اتقارىلىپ جاتقان جۇمىستار بارىسىن باياندادى. اتاپ ايتقاندا قالا ەكونوميكاسىن ودان ءارى دامىتۋ، تۇرعىن ءۇي ماسەلەلەرىن شەشۋ، تكش جاڭعىرتۋ، قاجەتتى ينجەنەرلىك ينفراقۇرىلىم جۇرگىزۋ، جىلۋمەن، گازبەن قامتۋ، سونداي- اق ءبىلىم جانە دەنساۋلىق ساقتاۋ سالاسىنداعى قىزمەتتەردىڭ ساپاسى مەن قولجەتىمدىلىگىن ارتتىرۋ بويىنشا ءىس- شارالار قاراستىرىلعان. ال، شىمكەنتتىك «SCAT» اۋە كومپانياسىنىڭ پرەزيدەنتى ۆ. دەنيسوۆ اۋە قاتىناستارىن دامىتۋ ماسەلەلەرى تۋرالى ءوز وي- پىكىرىن ورتاعا سالدى.

 كەڭەس قورىتىندىسى بويىنشا پرەمەر- مينيستر قىسقا ۋاقىت ىشىندە كەشەندى جوسپاردى قابىلداۋ بويىنشا بارلىق قاجەتتى راسىمدەردى اياقتاۋدى تاپسىردى. بۇل ورايدا، حالىقتىڭ ءومىر ساپاسىن جاقسارتىپ، تابىسىن ارتتىرۋعا ەرەكشە كوڭىل ءبولىنۋى كەرەكتىگىن اتاپ ءوتتى.

«ەلباسىمىزدىڭ «الەۋمەتتىك قامقورلىق» جاڭا الەۋمەتتىك باستامالارى ازاماتتاردىڭ جەكە ساناتتارىن الەۋمەتتىك قولداۋدى كۇشەيتۋگە، كوپ بالالى وتباسىلاردى تۇرعىن ۇيمەن قامتۋعا، وڭىرلىك ينفراقۇرىلىمدى دامىتۋعا جانە «اۋىل - ەل بەسىگى» ارنايى جوباسىن ىسكە اسىرۋعا باعىتتالعان» ، - دەدى اسقار مامين.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات