وزبەكستانداعى قازاقستان جىلىنىڭ شارالار جوسپارى بەكىتىلدى
ورتالىقازيالىق 1- ەكونوميكالىق فورۋم اياسىندا ق ر پرەمەر- ءمينيسترىنىڭ ورىنباسارى جەڭىس قاسىمبەك پەن وزبەكستان ۇكىمەت باسشىسىنىڭ ءبىرىنشى ورىنباسارى اچيلباي راماتوۆ ەكىجاقتى كەلىسسوزدەر وتكىزدى. ونىڭ بارىسىندا تاراپتار ەكى ەل اراسىنداعى ساۋدا- ساتتىقتى ارتتىرۋ، سونداي- اق اۋىل شارۋاشىلىعى، سۋ- ەنەرگەتيكاسى، اقپارات، ترانزيتتىك- كولىك سالالارىنداعى ىنتىماقتاستىقتى ارتتىرۋ ماسەلەلەرىن قاراستىردى. بۇدان بولەك، ءوڭىرارالىق جانە شەكاراماڭى بايلانىستارىن، مادەني- گۋمانيتارلىق ىقپالداستىقتى دامىتۋ جايى ءسوز بولدى.
ەكىجاقتى كەلىسسوزدەر ناتيجەسىندە تاراپتار وزبەكستاندا وتەتىن قازاقستان جىلى شارالارىن وتكىزۋ جوسپارىنا قول قويدى.
ايتا كەتەيىك، تاشكەنتتە 15 - ناۋرىز كۇنى ورتالىق ازيا ەلدەرى پرەمەر- مينيسترلەرى ورىنباسارلارىنىڭ قاتىسۋىمەن ورتالىقازيالىق ءبىرىنشى ەكونوميكالىق فورۋم ءوتتى. شارادا سونداي- اق ورتالىق ازيا ايماعى ەلدەرىنىڭ مۇمكىندىكتەرىن كورسەتەتىن تاقىرىپتىق پرەزەنتاتسيالار ۇيىمداستىرىلدى.