شارىن شاتقالىندا زاماناۋي ويىن ساۋىق پاركى سالىنادى
الەمدىك ستاندارقا ساي «Park Canyon» ويىن ساۋىق پاركىنىڭ قۇرىلىسى وسى جىلى باستالىپ 2020 -جىلعا دەيىن جالعاسپاق.
كەگەن اۋدانىنىڭ اكىمى تالعات بايەديلوۆتىڭ ايتۋىنشا، بۇل جوبا تاۋلى ايماقتىڭ تۋريستىك الەۋەتىن ايتارلىقتاي كوتەرىلمەك.
«قۇرىلىس جۇمىستارىن جۇرگىزۋگە 24 گا جەر تەلىمى ءبولىنىپ وتىر. جەر كەپكەنەن كەيىن ءبىرىنشى كەزەكتە 700 ميلليون تەڭگەگە قۇرىلىس جۇمىستارى باستايدى. جوبا ىسكە قوسىلعان جاعدايدا جىلىنا ورتا ەسەپپەن 375 ميلليون تەڭگەگە اقىلى تۋريستىك قىزمەت كورسەتەتىن بولادى. 35 ادام تۇراقتى جۇمىسپەن قامتىلىپ، بيۋدجەتكە جىلىنا 47 ميلليون تەڭگە قاراجات تۇسىرەدى دەپ جوسپارلاپ وتىرمىز» ، - دەدى اۋدان باسشىسى.
سونىمەن قاتار، بۇل نىساننىڭ جانىنان ءۇش بىردەي اسپالى كوپىر سالىنادى. شاتقالداعى بۇل وتكەلدىڭ ۇزىندىعى 200 مەتر بولسا بيىكتىگى 80 مەترگە جەتەدى. بۇدان باسقا، 40 ادامعا ارنالعان قوناق ءۇي تۇرعىزۋ جوسپارلانىپ وتىر.