11:35, 16 - ناۋرىز 2019 | GMT +6
قوستاناي وبلىسى اكىمدىگىندە «ادالدىق دۇكەنى» اشىلدى
قوستاناي. قازاقپارات - قوستاناي وبلىسى اكىمدىگىنىڭ عيماراتىندا دۇكەن اشىلدى، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
قوستاناي وبلىسىنىڭ اكىمدىگى «ادالدىق دۇكەنى» جوباسىنا قوسىلدى.
«اتالعان دۇكەن وبلىس اكىمى عيماراتىنىڭ 1-قاباتىنداعى اسحانادا ورنالاسقان. سونىمەن قاتار، مەملەكەتتىك قىزمەتشىلەرى اراسىندا سۇرانىسقا يە بولىپ وتىر. دۇكەننىڭ العاشقى كەلۋشىلەرى وبلىس اكىمىنىڭ قىزمەتكەرلەرى بولدى» ، - دەپ اتاپ ءوتتى وبلىس اكىمىنىڭ باسپا ءسوز قىزمەتىندەگىلەر.
دۇكەننىڭ بار ەرەكشەلىگى - كەز كەلگەن ساتىپ الۋشى ەسەپتەگىشتى پايدالانىپ، وزىنە قاجەتتى تاۋاردى تاڭدايدى. العان زاتىنىڭ سوماسىن ەسەپتەپ، اقشانى ارنايى جاشىكتە قالدىرادى.
مۇنداي دۇكەننىڭ بولۋى ادامداردى ادالدىققا باۋليدى دەيدى ۇيىمداستىرۋشىلار. الداعى ۋاقىتتا اكىمدىك قىزمەتكەرلەرى «ادالدىق دۇكەنى» تاۋارلار جەلىسىن كەڭەيتۋ جانە POS- تەرمينالدار ورناتۋدى جوسپارلاۋدا.