دانيار ەلەۋسىنوۆ كاسىپقوي رينگتە التىنشى رەت جەڭىسكە جەتتى
استانا. قازاقپارات - قازاقستاندىق بوكسشى دانيار ەلەۋسىنوۆ (5-0, 3 ك و) كاسىپقوي رينگتەگى التىنشى جەكپە- جەگىن وتكىزدى، دەپ حابارلايدى قازاقپارات Sports.kz سايتىنا سىلتەمە جاساپ.
ەلەۋسىنوۆ ا ق ش- تىڭ فيلادەلفيا قالاسىندا وتكەن بوكس كەشىنىڭ اندەركارتىندا ونەر كورسەتتى. وليمپيادا چەمپيونىنىڭ قارسىلاسى 36 جاستاعى مەكسيكالىق سيلۆەريو ورتيس (37-23, 18 ك و) بولدى. جارتىلاي ورتا سالماقتاعى ايقاس سەگىز راۋندتان تۇردى. ناتيجەسىندە ول تورەشىلەردىڭ ءبىراۋىزدى شەشىمىمەن ۇپاي سانى بويىنشا دانياردىڭ پايداسىنا اياقتالدى. وسىلايشا، قازاقستاندىق بوكسشى پروفي- رينگتە التىنشى رەت جەڭىسكە جەتتى. ول الدىڭعى ءۇش جەكپە- جەگىن نوكاۋتپەن اياقتاعان بولاتىن.
سيلۆەريو ورتيس بولسا، ءوز مانسابىندا 24- رەت جەڭىلدى. ەسكە سالايىق، دانيار ەلەسۋىنوۆ كاسىپقوي بوكسشى رەتىندە العاش رەت وتكەن جىلدىڭ ءساۋىر ايىندا جۇدىرىقتاسقان بولاتىن. بيىل چەمپيوندىق بەلدىكتەر ءۇشىن ايقاسا باستايتىنى كۇتىلۋدە.