اسقار مامين تۇركىستان قالاسىندا ءبىرقاتار نىساننىڭ قۇرىلىس بارىسىمەن تانىستى

None
None
تۇركىستان. قازاقپارات - ق ر پرەمەر- ءمينيسترى اسقار مامين تۇركىستان وبلىسىنا جۇمىس ساپارى بارىسىندا تۇركىستان قالاسىندا جاڭادان بوي كوتەرىپ جاتقان نىسانداردىڭ  قۇرىلىس الاڭىنا باردى، دەپ حابارلايدى قازاقپارات ءتىلشىسى

  قۇرىلىستار بارىسىمەن وبلىس اكىمى ءومىرزاق شوكەيەۆ تانىستىردى. ۇكىمەت باسشىسى الدىمەن تۇركىستان وبلىسىنىڭ جاڭا اكىمشىلىك ىسكەرلىك- ورتالىعىنىڭ قۇرىلىس الاڭىنا باردى. قالانىڭ باس جوسپارى بويىنشا ول 7,7 گەكتار اۋماققا سالىنادى. وندا وبلىس اكىمشىلىگى، باسقارمالار مەن اۋماقتىق دەپارتامەنتتەر ءۇيىنىڭ عيماراتتارى بوي كوتەرەدى.
 قۇرىلىس جۇمىستارى اعىمداعى جىلدىڭ قاڭتار ايىندا باستالدى. جوسپار بويىنشا اياقتاۋ مەرزىمى 2020 -جىلدىڭ ناۋرىز ايى. بۇگىندە جوبالىق- سمەتالىق قۇجاتتاماسى 40 پايىزعا دايىن قۇرىلىستىڭ جەر قازۋ جانە قايتا نىعىزداۋ جۇمىستارى جۇرگىزىلۋدە. مۇنان سوڭ پرەمەر- مينيستر قالا ورتالىعىنان بوي كوتەرىپ جاتقان 7 مىڭ ورىندىق ستاديوننىڭ قۇرىلىسىمەن تانىستى. «سامۇرىق- قازىنا» ۇ ا ق» ا ق- نىڭ تاپسىرىسىمەن سالىنىپ جاتقان نىساندا قورشاۋ، قۇرىلىس الاڭىن وسىمدىك قاباتىنان تازالاۋ جۇمىستارى اياقتالعان. قازىر قازانشۇڭقىر قازۋ جۇمىستارى جۇرگىزىلۋدە. جالپى اۋماعى 8,3 گا سالىنىپ جاتقان اۋماقتا 100 ادام جۇمىسپەن قامتىلعان. اتالعان الاڭ كەلەر جىلى پايدالانۋعا بەرىلەتىنى جوسپارلانعان. ودان بولەك ۇكىمەت باسشىسى «سامۇرىق- قازىنا» ۇلتتىق ءال- اۋقات قورى» اكتسيونەرلىك قوعامىنىڭ تاپسىرىسىمەن سالىنىپ جاتقان وقۋشىلار سارايىنىڭ قۇرىلىس الاڭىنا باردى. 1 گەكتار جەردىڭ  10000 شارشى مەترىنە زاماناۋي ۇلگىدەگى ساۋلەتتى عامارات تۇرعىزىلاتىن بولادى. قۇرىلىس جۇمىستارى وسى جىلدىڭ اقپان ايىندا باستالىپ، 2020 -جىلدىڭ جەلتوقسان ايىندا پايدالانۋعا بەرىلەدى دەپ كۇتىلۋدە. بۇگىندە قۇرىلىس الاڭى قورشالىپ، جەر جۇمىستارى جۇرگىزىلۋدە. قۇرىلىس بارىسىنا 100 گە تارتا ادام تارتىلعان.

سوڭعى جاڭالىقتار