+7 (701) 759 90 19 Лента
0 °С : استانا
16 °С : الماتى
USD 378.17 EUR 429.11
RUB 5.88 CNY 56.48
جاڭالىقتار

قازالى اۋدانىندا جاس اقىندار ايتىسى ءوتتى

16 ناۋرىز 10:30 259
:ءبولىسۋ

قازالى. قازاقپارات - «جاستار جىلى» اياسىندا قازالى اۋدانى ءۇ. تۇكتىبايەۆ اۋىلىندا «جاستار ءدىندى جىرلايدى» اتتى جاس اقىندار ايتىسى ءوتتى، دەپ حابارلايدى قازاقپارات ءتىلشىسى

 ايتىستى وتكىزۋگە اۋداندىق ىشكى ساياسات ءبولىمى، قازالى اۋداندىق جانقوجا باتىر مەشىتىنە قاراستى قوجا ورىنبەت يشان مەشىتى مۇرىندىق بولعان. سونداي- اق، اۋىلدان شىققان كاسىپكەر جەتەس ىدىرىس ۇلى دەمەۋشىلىك كورسەتكەن.
- ەلىمىزدەگى ايتىس ونەرىنىڭ ورىستەۋىنە سىر اقىندارى دا ۇلەس قوسىپ كەلەدى. الىسقا بارماي- اق، مۇحتار نيازوۆ، نۇرمات مانسۇروۆ، مەيىربەك سۇلتانحان ەسىمدى جەرلەستەرىمىز «بۇگىنگى ايتىستىڭ ارلانى، ءجۇرسىننىڭ جۇيرىكتەرى» دەسەم ارتىق ايتقان ەمەس. وسىنداي اعالارىنىڭ جولىن قۋىپ، ءىزىن جالعاپ كەلە جاتقان جەتكىنشەكتەر قاسيەتتى قازالى توپىراعىندا دا ءوسىپ كەلەدى. قازالىلىق ورەندەرىمىزدىڭ ۇلتتىق ونەرگە، ونىڭ ىشىندە ايتىس ونەرىنە جاقىندىعى قۋانتادى، - دەدى اۋداندىق ءماسليحات حاتشىسى كۇنتىلەس ايداربەك ۇلى ايتىستىڭ اشىلۋ سالتاناتىندا.
 ءسوز دوداسىنا 12 جاس اقىن قاتىستى. ناتيجەسىندە باس جۇلدە قوجاباقى اۋىلىنان كەلگەن جاس دارىن امانگەلدى توقتاربەككە بۇيىردى. I ورىنعا مايداكولدىك ءابدىحان بەكزات لايىق دەپ تانىلسا، Ⅱورىندى دا مايداكولدىك سەرىكوۆ بەكزات ەنشىلەدى. ال Ⅲورىنعا تاعى ءبىر مايداكولدىك اقىن 7-سىنىپ وقۋشىسى ەسەباي ءومىرتاي يە بولدى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات