پوليتسيا قىزمەتىن باعالاۋدىڭ جاڭا تالاپتارى بولماق

None
None
استانا. قازاقپارات - جۇما كۇنى ق ر ىشكى ىستەر ءمينيسترى ەرلان تۇرعىمبايەۆتىڭ توراعالىعىمەن ىشكى ىستەر ورگاندارى قىزمەتى ماسەلەلەرى جونىندەگى قوعامدىق كەڭەستىڭ جاڭارتىلعان قۇرامداعى ءبىرىنشى وتىرىسى ءوتتى.

بۇل تۋرالى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.

ازاماتتىق قوعامنىڭ 20 وكىلى - بەلگىلى قوعام قايراتكەرلەرى زاڭگەرلەر، قۇقىق قورعاۋشىلار، جۋرناليستەر جانە ۇ ە ۇ- نىڭ وكىلدەرى قابىلدانعان كەڭەستىڭ جاڭا قۇرامى 2019 -جىلدان 2022 -جىلعا دەيىن جۇمىس ىستەيدى.

ە. تۇرعىمبايەۆ قوعامدىق كەڭەس مۇشەلەرىنە بەلسەندى ازاماتتىق پوزيتسياسى مەن ىشكى ىستەر ورگاندارى قىزمەتىنە ايىرىقشا نازار اۋدارعاندارى ءۇشىن العىسىن ءبىلدىردى. پوليتسيا قىزمەتىنىڭ باستى ۇستانىمى - اشىقتىق پەن ايقىندىق ەكەنىن ايتتى. قازاقستاندىق پوليتسيا ازاماتتاردىڭ قۇقىعى مەن زاڭدى مۇددەلەرىن قورعاۋ بويىنشا قوعاممەن اشىق ديالوگقا ءارقاشان دايىن ەكەنىن اتاپ ءوتتى.

«كەڭەس قىزمەتى ەڭ الدىمەن قوعاممەن تىعىز قارىم-قاتىناس ورناتۋعا ىقپال ەتەدى، حالىق پەن پوليتسيا اراسىندا ءوزارا قارىم-قاتىناس پروبلەمالارى تۋرالى الدىمەن حاباردار بولۋعا مۇمكىندىك تۋعىزادى»، - دەدى مينيستر.

سونداي-اق، مينيستر كەڭەس مۇشەلەرىنە ىشكى ىستەر ورگاندارىنىڭ رەفورماسى تۋرالى ايتىپ بەردى. ىشكى ىستەر ورگاندارىن جاڭعىرتۋدىڭ 2019-2021 -جىلدارعا ارنالعان جول كارتاسىن ىسكە اسىرۋ باعىتىندا اتقارىلىپ جاتقان جۇمىستارىمەن تانىستىردى.

ەرلان تۇرعىمبايەۆ 54 ءىس- شارانى قاراستىراتىن، 9 نەگىزگى باعىتتان تۇراتىن جول كارتاسىن ىسكە اسىرۋدا قوعامدىق كەڭەستىڭ بەلسەندى اتسالىساتىنا سەنىم ءبىلدىردى.

وتىرىس بارىسىندا قوعامدىق كەڭەستىڭ ءتوراعاسى بولىپ م. نارىكبايەۆ اتىنداعى قاز م ز ۋ قۇقىقتىق ءادىل سوت جانە عىلىمي قۇقىقتىق ساراپتامالار جونىندەگى عىلىمي-زەرتتەۋ جوباسىنىڭ جەتەكشىسى، پروفەسسور مارات قوعاموۆ سايلاندى.

جاڭا سايلانعان ءتوراعانىڭ باسشىلىعىمەن قوعامدىق كەڭەس ءىىو جاڭعىرتۋ جونىندەگى جول كارتاسىن ورىنداۋ ماقساتىندا ازىرلەنگەن پوليتسيانىڭ قىزمەتىن باعالاۋدىڭ جاڭا كريتەريلەر جوباسىن قارادى.

تالقىلاۋدان كەيىن كەڭەس مۇشەلەرى ىشكى ىستەر ورگاندارىنىڭ قىزمەتىن جەتىلدىرۋگە جانە ناتيجەلى رەفورمالاۋعا باعىتتالعان كونسترۋكتيۆتى ۇسىنىستار جاسادى.

سوڭعى جاڭالىقتار