كۇلاش ءشامشيدينوۆا: مەكتەپتەگى بالالار تاربيەسىنە اتا-انالار اتسالىسۋى كەرەك

جاڭاوزەن. قازاقپارات - وڭىرگە ءىس-ساپارمەن كەلگەن ق ر ءبىلىم جانە عىلىم ءمينيسترى كۇلاش ءشامشيدينوۆا جاڭاوزەندەگى مەكتەپ وقۋشىلارىمەن كەزدەستى، دەپ حابارلايدى قازاقپارات ءتىلشىسى.

كۇلاش ءشامشيدينوۆا جاڭاوزەن مەكتەپ-گيمنازياسىنداعى وقۋشىلارمەن تىلدەسىپ، ولارمەن ەركىن سۇحبات قۇردى.

«اتا-انانىڭ مىندەتىن اتا-انا، مۇعالىمنىڭ مىندەتىن مۇعالىم عانا اتقارا الادى. مەكتەپتەگى بالالار تاربيەسىنە اتا-انالار اتسالىسۋى كەرەك. ۇستازدارعا ارتىپ قويىپ، قاراپ وتىرۋعا بولمايدى. بالالار تاربيەسىن ەكى جاقتاپ اتقارۋعا شاقىرامىن»، - ءبىلىم ءمينيسترى.

ءبىلىم ءمينيسترىنىڭ ايتۋىنشا، 2009 -جىلدان باستاپ مۇعالىمدەردىڭ جالاقىسى كەزەڭ- كەزەڭمەن ءوسىپ كەلەدى. ماسەلەن، %25- عا، كەلەسى جىلى - %25- عا، 2011 -جىلى - %30- عا، 2014 -جىلى - %10- عا، ال 2016 -جىلى %29- عا ءوستى. بۇل پروتسەسس جالعاسادى.

«قازىر 15 جىلدىق جۇمىس تاجىريبەسى بار 1-ساناتتاعى مۇعالىمنىڭ جالاقىسى تولىق 18 ساعاتتىق جۇكتەمەمەن قالالىق جەرلەردە 147 مىڭ تەڭگەگە، اۋىلدا 180 مىڭعا دەيىن وسەدى. ءبىز مۇعالىمگە بىردەي جوعارى تالاپتار قويامىز، ويتكەنى، ءبىز ءبىلىم بەرۋ ساپاسىنا قول جەتكىزەمىز. وسىعان بايلانىستى رەسپۋبليكادا 144 مىڭ مۇعالىم قايتا دايارلاۋ كۋرستارىن وتەدى. سونداي- اق، 82 مىڭ پسيحولوگ پەن سىنىپ مۇعالىمدەرى وقىتىلادى»، - دەدى كۇلاش ءشامشيدينوۆا.

باس ۇستاز قالاداعى گيمنازيا مەكتەبىندە ۇستازدارمەن كەزدەسىپ، ساباققا قاتىستى. وسىدان 18 جىل بۇرىن اشىلعان ءبىلىم ورداسىندا 965 وقۋشى وقيدى. سوڭعى جىلدارى جەتىستىكتەرى تولىسىپ، ايماق دەڭگەيىن كوتەرۋگە اتسالىسىپ ءجۇر.

ايتا كەتەيىك، تاۋەلسىزدىك العاننان بەرى ماڭعىستاۋدا 55 مەكتەپ سالىنعان. الداعى ءۇش جىلدا تاعى 8 مەكتەپ اشىلماق.