استاناداعى جارىلىس: ءۇش ادامنىڭ جاعدايى بەلگىلى بولدى
بۇل تۋرالى استانا قالاسى اكىمىنىڭ باسپا ءسوز حاتشىسى ەلۆيرا جۇرگەنبايەۆا ايتتى، دەپ حابارلايدى قازاقپارات ءتىلشىسى.
«جارىلىس سالدارىنان زارداپ شەككەن 1991 جانە 1970 -جىلعى دۇنيەگە كەلگەن ەكى ادام 2-3 دەڭگەيلى كۇيىكپەن №1 -قالالىق اۋرۋحانانىڭ قارقىندى تەراپيا بولىمشەسىنە جاتقىزىلدى. 1979 -جىلى دۇنيەگە كەلگەن تاعى ءبىر زارداپ شەگۋشى تراۆماتولوگيا جانە ورتاپەديا عىلىمي- زەرتتەۋ ينستيتۋتىنا جەتكىزىلدى. دياگنوزى انىقتالۋ ۇستىندە. بارلىق قاجەتتى مەديتسينالىق كومەك تولىق كولەمدە كورسەتىلۋدە. وقيعا ورنىندا جەدەل جاردەمنىڭ 2 بريگاسى كەزەكشىلىك اتقارۋدا»، - دەدى ول.
بۇعان دەيىن، حابارلاعانىمىزداي، استانادا ەكى قاباتتى عيماراتتا گاز باللونى جارىلدى.
«15 -ناۋرىز كۇنى ساعات 17:06 كەزىندە استانا ت ج دەپارتامەنتى پۋلتىنە الاش تاس جولى بويىنداعى «مولپرودۋكسەرۆيس» ج ش س-نىڭ ەكى قاباتتى عيماراتىندا گاز باللونىنىڭ جارىلعاندىعى تۋرالى اقپارات كەلىپ ءتۇستى. ساعات 17:14 شاماسىندا ءورت سوندىرۋشىلەر جەتكەن ۋاقىتتا ءبىرىنشى جانە ەكىنشى قابات اراسىنداعى توبە بولىگى وپىرىلىپ تۇسكەندىگى انىقتالدى»، - دەلىنگەن ق ر ءى ءى م ت ج ك رەسمي وكىلى نۇرسۇلتان نۇراحمەت تاراتقان مالىمەتتە.