كوز شارشاعاندا نە ىستەۋ كەرەك؟

نۇر-سۇلتان. قازاقپارات - قازىر ادامداردىڭ كوپ ۋاقىتى مونيتور الدىندا وتەدى. بىرەۋلەر جۇمىس بارىسىمەن كومپيۋتەر الدىندا ۇزاق وتىرۋعا ءماجبۇر بولسا، باسقالارى فيلم قاراۋمەن نەمەسە ويىن ويناۋمەن مونيتور الدىندا وتكىزگەن ۋاقىتىن بايقاماي قالادى.

تەحنيكانىڭ دامىعان زامانىندا تەلەديدار، كومپيۋتەر نەمەسە سمارتفونداردى ومىرىمىزدەن مۇلدەم جوق قىلا المايمىز. الايدا، كوزدىڭ ادام ومىرىندەگى ماڭىزىن ءارقايسىسىمىز جاقسى بىلەمىز. سوندىقتان ولارعا دۇرىس كۇتىم جاساي ءبىلۋ كەرەك جانە جاعىمسىز ماسەلەلەردىڭ الدىن الۋ قاجەت. ەندەشە، مونيتور الدىندا ۇزاق وتقاننىڭ سالدارىنان كوزىڭىز شارشاسا، تومەندەگى كەڭەستەرگە قۇلاق ءتۇرىڭىز. كوزگە جاتتىعۋ جاساۋ كوزدىڭ شارشاعانىن باسۋ ءۇشىن جەڭىل جاتتىعۋلار جيىنتىعىنان باستاڭىز. ولاردى كۇندە قايتالاساڭىز، جاعدايىڭىز جىلدام جاقسارىپ، كوزدىڭ قىزارۋى كەتەدى.

- مونيتور الدىندا ۇزاق وتقاندا كوز اشىلىپ- جۇمىلۋ كەرەكتىگىن "ۇمىتىپ كەتەدى"، سوندىقتان ءوزىڭىز ەسكە الىپ، كوزىڭىزدى اشىپ- جۇمىپ تۇرىڭىز.

- باسىڭىزدى تىك ۇستاپ، الدىعا تىكە قاراپ، كوزىڭىزبەن الدىمەن توبەگە قاراڭىز. سول قالىپتا 2-3 سەكۋند تۇرىپ، اقىرىن تومەن قاراڭىز. بۇل كۇيدە دە بىرنەشە سەكۋند تۇرىڭىز. وسى جاتتىعۋدى بىرنەشە رەت قايتالاڭىز. باستىسى، كوزىڭىزبەن جوعارى- تومەن قاراعاندا باسىڭىزدى قوزعاماڭىز.

- وسى قالىپتا وتىرىپ، كوزىڭىزبەن وڭعا جانە سولعا قاراڭىز. بىرنەشە رەت قايتالاڭىز. كوز الماسىنىڭ بۇلشىقەتتەرى بوساڭسىعان بولۋى كەرەك.

- باسىڭىزدى تىك ۇستاپ، الدىعا تىك قاراپ، "جاتقان" سەگىز، ياعني "شەكسىزدىك" بەلگىسى بويىمەن كوزىڭىزدى جۇگىرتىپ ءوتىڭىز. جاتتىعۋ كەزىندە باسىڭىزدى قوزعامايسىز جانە جاتتىعۋ بىتكەن سوڭ كوزىڭىزدى جىپىلىقتاتىڭىز.

- ءدال وسى قالىپتا وتىرىپ، كوزىڭىزدى ساعات تىلىمەن جانە وعان قارسى اينالدىرىڭىز.

- تەرەزەگە بارىپ، الدىمەن وتە الىسقا، سودان سوڭ مۇرنىڭىزدىڭ ۇشىنا قاراڭىز. ونى بىرنەشە رەت قايتالاڭىز.

- كوزدى جۇمىپ، كوزىڭىزدى قوزعاي ءتۇرلى سۋرەتتەر سالىڭىز. مىسالى: دوڭگەلەك، شەكسىزدىك جانە ت. ب. - بىرنەشە رەت قاتارىنان كوزىڭىزدى قاتتى جۇمىپ، سودان سوڭ قولىڭىزبەن كوزىڭىزدى باسىپ، بىرنەشە مينۋت وتىرىڭىز.

- كومپيۋتەرمەن جۇمىس ىستەگەندە اراسىندا قۇلاعىڭىزدى ۋقالاپ قويىڭىز. سول كەزدە كوز ازىراق شارشايدى. كوز تەك كومپيۋتەر الدىندا ۇزاق بولعاننان عانا ەمەس، سونىمەن قاتار تەمەكى تۇتىنىنەن، جاساندى وتە اشىق تۇستەردەن، جارىق ەرەكشەلىگىنەن، كوسمەتيكادان، اۋا رايىنان جانە ت. ب جاعدايلاردان شارشاۋى مۇمكىن ەكەنىن ەسكەرىڭىز. كوزگە ارنالعان ۆاننالار جاساۋ شوپتەر تۇنباسىمەن جاسالعان كوز ۆاننالارى ىسكەندى، قىزارعاندى جانە شارشاعاندى كەتىرەدى. كوز ۆانناسىنا ارنالعان ارنايى ىدىس ساتىپ الىڭىز. ول كەز كەلگەن ءدارىحانادا ساتىلادى. وعان تۇيمەداق قايناتپاسىن نەمەسە تۇنباسىن قۇيىپ، باسىڭىزدى ارتقا شالقايتىپ، كوزگە ۆاننا جاسايسىز. ول كەزدە كوزىڭىزدى 8-10 رەت رەت جىپىلىقتاتۋ كەرەك.

ەگەر ارنايى ىدىس بولماسا، تۇيمەداق تۇنباسىنا ماقتانى سۋلاپ، ونى كوزگە باسىپ، اراسىندا كوزىڭىزدى جىپىلىقتاتىپ تۇرۋ كەرەك. ونى كوزگە 8-10 رەت جاسايدى. كوزگە پايدالى ماسكا جاساۋ كارتوپ سۋىمەن جاسالعان ماسكانى تەك كوزگە ەمەس، سونىمەن قاتار بەتكە دە قويۋعا بولادى. تازارتىلعان شيكى كارتوپتى ۇساق ۇككىشتەن وتكىزىپ، ونىڭ سۋىن سىعىپ الادى. كارتوپ سۋىنا مايلىقتى سۋلاپ، ونى بەتكە قويادى. ماسكانى 15-20 مينۋت بەتتە ۇستاپ، سودان سوڭ بەتىڭىزدى تۇيمەداق تۇنباسىمەن نەمەسە قاراپايىم سۋمەن شايىپ الاسىز. ەگەر وسى پروتسەدۋرانى اپتاسىنا 2-3 رەت جاساساڭىز، كوزىڭىز ىسپەيتىن جانە قىزارمايتىن بولادى.

كوزگە ارنالعان تامشىلار پايدالانۋ كوزگە گيمناستيكا جاساۋعا نەمەسە حالىقتىق قۇرالداردى دايىنداۋعا ۋاقىت بولماسا جانە كوز شارشاعانىن دەرەۋ باسۋ كەرەك بولسا، ءدارىحانادا ساتىلاتىن تامشىلاردى قولدانۋعا بولادى. ولاردى كوپ قولدانباساڭىز، كوزگە زيانى بولمايدى. ءبىراق تامشىلار كوزدى دەمالتپايدى، تەك شارشاۋ بەلگىلەرىن ۋاقىتشا باسىپ بەرەدى. كوزگە ماسساج جاساۋ كوز اۋرۋلارىن ەمدەۋگە ارنالعان جانە كوز شارشاۋىنىڭ الدىن الاتىن ماسساجدار بار. كوزگە ارنالعان ماسساجدىڭ نەگىزىنە اينالمالى سيپاۋ، جاي ۋقالاۋ، كوز المالارىن دىرىلدەتە باسۋ جاتادى. قاباقتى ساۋساق ۇشتارىمەن سيپاۋ كەرەك. سونىمەن قاتار، ماسساج سىزىقتارىنىڭ باعىتىن ءبىلۋ قاجەت: جوعارعى قاباق كوزدىڭ ىشكى بۇرىشىنان سىرتقا قاراي، ال تومەنگى قاباق كوزدىڭ سىرتقا بۇرىشىنان ىشكە قاراي باعىتتالادى. كوز المالارىن ساۋساق ۇشتارىمەن جاي باسىپ، اينالمالى قوزعالتىپ ماسساج جاساۋعا بولادى.

Massaget.kz