+7 (701) 759 90 19 Лента
2 °С : استانا
17 °С : الماتى
USD 378.17 EUR 429.11
RUB 5.88 CNY 56.48
جاڭالىقتار

تاريحتاعى ەڭ باي ادام كىم؟

16 ناۋرىز 03:20 300
:ءبولىسۋ
تاريحتاعى ەڭ باي ادام كىم؟

استانا. قازاقپارات - Forbes جۋرنالىنىڭ مالىمەتىنشە الەمنىڭ ەڭ باي ادامى - دجەفف بەزوس. Amazon كومپانياسىنىڭ باسشىسى 131 ميلليارد دوللارمەن الەمنىڭ ەڭ باي ادامدارىنىڭ تىزىمىندە كوش باستاپ كەلەدى.

ونىڭ ارتىنان Microsoft تىڭ نەگىزىن قالاۋشى بيلل گەيتس پەن ينۆەستور ۋوررەن باففەت كەلە جاتىر. الايدا بۇلاردىڭ ەشقايسىسىنىڭ بايلىعى مالي پاتشاسى مانسا مۋسانىڭ بايلىعىمەن سالىستىرۋعا كەلمەيدى. ونىڭ بايلىعىنا ەشكىم جەتە قويماس. 2012 -جىلى امەريكالىق Celebrity Net Worth سايتى مۋسانىڭ بايلىعى 400 ميلليارد دوللاردى قۇراعانىن جازعان ەكەن. الايدا بۇل تۋرالى ناقتى ءبىر كورسەتكىش جوق. 1280 -جىلى ومىرگە كەلگەن مانسا مۋسا اعاسى ابۋ- باكر الەمدى شارلاۋ ءۇشىن ەكسپەديتسياعا شىققاننان سوڭ، 32 جاسىندا تاققا وتىرادى. ونىڭ قول استىندا ءماليدىڭ شەكاراسى كەڭەيە ءتۇستى. 24 قالانى جاۋلاپ العاننان سوڭ ءماليدىڭ شىعىس شەكاراسى اتلانت مۇحيتىنان باستالىپ باتىسى نيگەريا مەملەكەتىنە دەيىن جەتكەن. قازىر بۇل اۋماقتا 9 بىردەي مەملەكەت: سەنەگال، ماۆريتانيا، مالي، بۋركينا- فاسو، نيگەريا، گامبيا، گۆينەيا- بيساۋ، گۆينەيا جانە كوت- د'يۆۋار ورنالاسقان. مالي پاتشالىعىنىڭ جەر قويناۋى ءتۇرلى بايلىقتارعا تولى بولعان. اسىرەسە التىن مەن تۇز مەملەكەتتىڭ بايۋىنا اسەر ەتتى.

 زەرتتەۋگە سۇيەنسەك، مۋسا باسقارعان جىلدارى ءماليدىڭ التىن قورى ەسكى دۇنيەنىڭ جارتىسىنا تەڭ بولعان. مانسا مۋسا مەككەگە قاجىلىق ساپار شەككەننەن كەيىن ەل ەكونوميكاسىنىڭ قۇلدىراۋى باستالادى. پاتشا 60 مىڭ ادامنان تۇراتىن كەرۋەندى باستاپ مەككەگە اتتانادى. مۋسا وزىمەن بىرگە پاتشا سارايىنداعى بۇكىل قىزمەتكەرلەرىن، ۋازىرلەرىن، اسكەرىن، ساۋداگەرلەردى جانە 12 مىڭ قۇلىن الىپ شىققان. ءبىراق ءۇش ايلىق ساپارىندا مۋسا بۇكىل التىنىن بەي- بەرەكەت شاشقاندىقتان ونىڭ باعاسى قۇلدىراپ كەتەدى. وسىدان سوڭ مالي پاتشالىعىنىڭ جاعداي كۇرت ناشارلايدى.

 BBC تاريحتاعى ەڭ باي 10 ادامنىڭ ءتىزىمىن جاريالادى:

 1. مانسا مۋسا (1280-1337, مالي پاتشاسى) - بايلىعىن ەسەپتەۋ مۇمكىن ەمەس؛

 2. وكتاۆيان اۆگۋست (ب. ز. د. 63 ج. - ب. ز. د. 14 د، ريم يمپەراتورى) - 4,6 تىريلليون دوللار؛

 3. چجاو سيۋي (1048-1085, شەن- تسزۋن يمپەراتورى) - بايلىعىن ەسەپتەۋ مۇمكىن ەمەس؛

 4. اكبار I (1542-1605, ءۇندىستانداعى ۇلى موعول اۋلەتىنىڭ يمپەراتورى) - بايلىعىن ەسەپتەۋ مۇمكىن ەمەس؛

 5. ەندريۋ كارنەگي (1835-1919, امەريكالىق كاسىپورىن قوجاسى) - 372 ميلليارد دوللار؛

 6. دجون د. روكفەللەر (1839-1937, امەريكالىق ماگنات) - 341 ميلليارد دوللار؛

 7. نيكولاي الەكساندروۆيچ رومانوۆ (1868-1918, رەسەيدىڭ سوڭعى پاتشاسى) - 300 ميلليارد دوللار؛

 8. اساف دجاح VII (وسمان الي حان) (1886-1967, حايداراباد ءۇندىس كنيازدىعىنىڭ سوڭعى بيلەۋشىسى) - 230 ميلليارد دوللار؛

 9. جاۋلاپ الۋشى ۆيلگەلم (1028-1087) - 229,5 ميلليارد دوللار؛

 10. مۋامار كاددافي (1942-2011, ليۆيا بيلەۋشىسى) - 200 ميلليارد دوللار.

Forbes جۋرنالىنىڭ مالىمەتىنشە الەمدەگى ميللياردەرلەر سانى 2018 -جىلدىڭ باسىنان بەرى 55 كە قىسقارىپ، قازىر 2153 قالتالى كاسىپكەر قالدى. ميللياردەرلەر سانى ازيا ايماعىندا، اسىرەسە قىتايدا قاتتى قىسقارعان. 2019 -جىلدىڭ باسىنان بەرى ق ح ر- داعى ميللاردەرلەر سانى 49 عا ازايعان. ال كەرىسىنشە بيزنەس الەمىندە پايدا كورىپ، بايلاردىڭ قاتارىنا قوسىلعاندار دا بار. بۇل جاعىنان ا ق ش پەن برازيليا كاسىپكەرلەرى الدا.

قازىرگى تاڭداعى الەمنىڭ ەڭ باي 10 ادامى. Forbes جۋرنالىنىڭ نۇسقاسى.

 1. دجەفف بەزوس (Amazon كومپانياسىنىڭ باسشىسى) - 131 ميلليارد دوللار؛

 2. بيلل گەيتس (Microsoft-تىڭ نەگىزىن قالاۋشى) - 96,5 ميلليارد دوللار؛

 3. ۋوررەن باففەت (ينۆەستور) - 82,5 ميلليارد دوللار؛

 4. بەرنار ارنو (Louis Vuitton Moet Hennessy كومپانياسىنىڭ باسشىسى) - 76 ميلليارد دوللار؛

 5. كارلوس سليم (مەكسيكالىق كاسىپكەر) - 64 ميلليارد دوللار؛

 6. امانسيو ورتەگا (Inditex كومپانياسىنىڭ بۇرىنعى باسشىسى) - 62,7 ميلليارد دوللار؛

 7. لارري ەلليسون (امەريكالىق Oracle كورپوراتسياسىنىڭ باسشىسى) - 62,5 ميلليارد دوللار؛

 8. مارك تسۋكەربەرگ (Facebook^- ءتىڭ نەگىزىن قالاۋشى) - 62,3 ميلليارد دوللار؛

 9. مايكل بلۋمبەرگ (كاسىپكەر، نيۋ- يوركتىڭ 108- مەرى) - 55,5 ميلليارد دوللار؛

 10. لارري پەيدج (Google ىزدەۋ جۇيەسىنىڭ نەگىزىن قالاۋشىلاردىڭ ءبىرى) - 50,8 ميلليارد دوللار. قازىر ا ق ش- تا 609 ميللياردەر بار، ونىڭ 14 ى ەڭ باي ادامدار جيىرمالىعىنا كىرەتىن بيزنەسمەندەر. بارلىق ميللياردەرلەردىڭ جالپى بايلىعى 8,7 تىريلليون دوللارعا باعالانعان. بۇل كورسەتكىش 2018 -جىلداعىدان 400 ميللياردقا از. بيىل 994 كاسىپكەردىڭ بيزنەسى كەرى كەتكەن.

Massaget.kz


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات