جاڭادان ساتىپ الىنعان ساموكاتتار «الماتى سۋ» باقىلاۋشىلارىنىڭ جۇمىسىن جەڭىلدەتەدى
كاسىپورىن باسشىلارى بۇل شارانىڭ تۇتىنۋشىلاردىڭ ءوتىنىشىن تىركەيتىندەردىڭ جۇمىسىن جىلدامداتاتىنىنا سەنىمدى.
«الماتى سۋ» كاسىپورنىنىڭ حابارلاۋىنشا، باقىلاۋشىلار ءار ۇيدەگى ەسەپتەۋ قۇرالىنداعى سانداردى جازىپ الۋ، پلومبالاۋ جانە بورىشكەرلەردىڭ ءتىزىمىن جاڭارتۋ ءۇشىن جۇزدەگەن ءۇي مەن كوممەرتسيالىق ۇيىمعا كىرىپ شىعادى. بۇل نىسانداردىڭ اراسى قاشىق. ولارعا كۇندە بىرنەشە شاقىرىم جاياۋ جۇرۋگە تۋرا كەلەدى. جاڭا قۇرالدار باقىلاۋشىلاردىڭ جۇمىسىن جەڭىلدەتەدى دەپ سەنەمىز»، - دەپ ءمالىم ەتتى «الماتى سۋ» كومپانياسىنان.
جاقىن ارادا وسىنداي ساموكاتتارعا ينجەنەرلىك جەلىلەر مەن قۇدىقتاردى قارايتىن قىزمەتكەرلەر وتىراتىن بولدى.
«ايىنا الماتىدا 50-گە تارتا زاڭبۇزۋشىلىق تىركەلەدى. اسىرەسە، تۇتىنۋشىلار سۋعا تەحنيكالىق قۇجات راسىمدەمەي، رۇقساتسىز قوسىلىپ، تەگىن تۇتىنۋعا قۇشتار»، - دەدى كومپانيادان.
بىلتىر قالادا 717 ۇيدە سۋعا رۇقساتسىز قوسىلۋ دەرەگى تىركەلگەن. 100 جاعدايدا پلومبا جۇلىنىپ تاستالعان.
«بارلىق تىركەلگەن جايتتار بويىنشا جازا قولدانىلىپ جاتىر. اتاپ ايتقاندا، بورىشكەرلەر ورتالىق كارىز جۇيەسى مەن سۋدان اجىراتىلۋدا.
كوممۋنالدىق قىزمەت وكىلدەرىنىڭ بەلسەندى جۇمىسىنىڭ ارقاسىندا دەبيتتىك قارىزدى 330 ميلليون تەڭگەدەن 100 ميلليون تەڭگەگە ازايتۋ مۇمكىن بولدى»، - دەدى كومپانيا وكىلدەرى.