قىرعىز- تاجىك شەكاراسىنداعى وقيعا: تاراپتار شيەلەنىستى بىرلەسىپ شەشپەك

استانا. قازاقپارات - قىرعىزستان مەن تاجىكستان شەكاراسىندا بولعان قاقتىعىس سالدارىنان ءبىر ادام كوز جۇمدى، دەپ حابارلايدى قازاقپارات.

تاجىكستان ۇلتتىق اقپاراتتىق اگەنتتىگىنىڭ حابارلاۋىنشا، شەكاراداعى قىرعىزستان مەن تاجىكستان ازاماتى اراسىنداعى شيەلەنىس 14 - ناۋرىز كۇنى جەرگىلىكتى ۋاقىتپەن ساعات 15:30 كەزىندە بولعان.

 قىرعىزستان تاراپىنداعى ازاماتتىڭ قارۋ قولدانۋى سالدارىنان تاجىكستاندىق كوز جۇمىپ، جاراقاتتانعان ەكىنشى ادام اۋرۋحاناعا جەتكىزىلگەن.

سول كۇنى تاجىكستان رەسپۋبليكاسىنىڭ پرەزيدەنتى ەمومالي راحمون مەن قىرعىستان پرەزيدەنتى سوورانباي جەەنبەكوۆ تەلەفون ارقىلى سويلەستى، دەپ حابارلادى «حوۆار» تۇاا.

 ەكى مەملەكەتتىڭ باسشىلارى تاراپتاردىڭ قۇزىرەتتى ورگاندارىنا ادام ولىمىنە اكەلىپ سوقتىرعان وقيعانى جان- جاقتى تەرگەۋ، سونداي- اق كەلىسسوزدەر ارقىلى ونى شەشۋ جونىندە نۇسقاۋلار بەرۋگە كەلىستى.

 بۇگىن قىرعىزستان رەسپۋبليكاسىنىڭ ۆيتسە- پرەمەر- ءمينيسترى جەنيش رازاكوۆ پەن ت ر پرەمەر ءمينيسترىنىڭ ورىنباسارى ازيم ءيبروحيمنىڭ باسشىلىعىمەن قىرعىزستان مەن تاجىكستان وكىلدەرى قاتىسقان ەكىجاقتى كەلىسىمدەر جاسالدى.

 كەزدەسۋ بارىسىندا ەكى ەلدىڭ ىشكى ىستەر مينيسترلەرىنىڭ باسشىلارى كاشكار دجۋنۋشاليەۆ پەن رامازون راحيمزودا قىرعىز- تاجىك مەملەكەتتىك شەكاراسىنداعى جاعدايدى رەتتەۋ جانە شەكارا ماڭىنداعى اۋداندارداعى قوعامدىق قاۋىپسىزدىكتى قامتاماسىز ەتۋ ماسەلەلەرىن تالقىلادى. قازىرگى ۋاقىتتا اتالعان كەلىسىمدى ورىنداۋ ماقساتىنداعى جۇمىستار باستالىپ كەتتى.