ديماش قۇدايبەرگەننىڭ استاناداعى كونسەرتىنە بيلەتتەر ساتىلا باستايدى
بيلەتتەردى ساتۋ بويىنشا باس وپەراتور - www.zakazbiletov.kz. سونداي- اق، بيلەتتەر www.biletiastana.kz سايتىندا دا قولجەتىمدى بولادى.
ودان باسقا، بيلەتتەردى استانا قالاسى بويىنشا: كەرۋەن، ازيا پارك، حان شاتىر، ەۆرازيا، كەرۋەن سيتي، مەچتا ساۋدا ورتالىقتارىنىڭ، «قازاقستان» و ك ز، سارىارقا ۆەلوترەگىندەگى گازەنەردجي ا ج س، كونگرەس حولل جانە جاستار سارايىنىڭ كاسسالارىنان ساتىپ الۋعا بولادى.
قازاقستاننىڭ باسقا قالالارى مەن شەت ەلدەردە بيلەتتەردى online- ساتىلىم ارقىلى عانا الۋ مۇمكىندىگى بار. قازاقستان بويىنشا Qiwi كوشەلەك، Kaspi بانك، Visa جانە Mastercard تولەم كارتالارى ارقىلى ساتىپ الۋعا بولادى. باسقا ەلدەردە بيلەتتەر تەك Visa جانە Mastercard. تولەم كارتالارى ارقىلى عانا قولجەتىمدى.
جانكۇيەرلەردى ەسكەرە وتىرىپ جانە بيلەتتەردىڭ ساتىلىمىن باقىلاۋ ماقساتىندا، بيلەتتەردى 2- كەزەڭدە ساتىپ الۋعا مۇمكىندىك بولادى. ياعني، بيلەت ساتىلا باستاعان سوڭ، ءبىرىنشى كەزەڭدە بيلەت الۋعا ۇلگەرە الماعاندار، تەڭ مۇمكىندىكتى پايدالانىپ، 2- كەزەڭدە بارلىق سەكتورلاردان بيلەت الا الادى.
ايتا كەتەيىك، بۇعان دەيىن ديماشتىڭ استاناداعى كونسەرتىنىڭ وتەتىن كۇنى بەلگىلەنگەنىن جازعان بولاتىنبىز.