قاسىم- جومارت توقايەۆ اۋعانستان مەن پاكىستان ەلشىلەرىن قابىلدادى

None
None
استانا. قازاقپارات - پارلامەنت سەناتىنىڭ ءتوراعاسى قاسىم- جومارت توقايەۆ قازاقستانداعى اۋعانستاننىڭ جانە پاكىستاننىڭ ەلشىلەرى مۋحامماد فارحاد ءازيميدى جانە يمتياز احماد كازيدى ولاردىڭ ءوتىنىشى بويىنشا قابىلدادى، دەپ حابارلايدى قازاقپارات.

«سەنات ءتوراعاسى اۋعان ديپلوماتىمەن كەزدەسۋ بارىسىندا قازاقستان اۋعانستاندى قايتا قالپىنا كەلتىرۋ جونىندەگى حالىقارالىق مىندەتتەمەلەردى اتقارا بەرەتىنىن جانە ەلدەگى جاعدايدىڭ تەزىرەك تۇراقتانۋىنا مۇددەلى ەكەنىن اتاپ ءوتتى» ، - دەلىنگەن سەناتتىڭ باسپا ءسوز قىزمەتى تاراتقان مالىمەتتە.

 ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قازاقستان ب ۇ ۇ قاۋىپسىزدىك كەڭەسى مۇشەلەرىنىڭ سوڭعى جەتى جىلداعى كابۋلعا العاشقى ساپارىن، سونداي- اق نيۋ- يوركتەگى «اۋعانستان مەن ورتالىق ازياداعى ءوزارا بايلانىستى قاۋىپسىزدىك پەن دامۋدىڭ ۇلگىسى رەتىندە ايماقتىق ارىپتەستىكتى قالىپتاستىرۋ» تاقىرىبىندا مينيسترلىكتەردىڭ پىكىرسايىستارىن ۇيىمداستىردى. ءبىزدىڭ ەلىمىزدىڭ اۋعان جاستارىنىڭ وكىلدەرىنە جوعارى، تەحنيكالىق جانە كاسىپتىك ءبىلىم بەرۋگە ارنالعان باعدارلاماسىنا حالىقارالىق قوعامداستىق جوعارى باعا بەرىپ وتىر.

ەلشى م. ازيمي اۋعانستانداعى جاعدايدى تۇراقتاندىرۋ جونىندەگى حالىقارالىق كۇش- جىگەرگە قوسقان ۇلەسى ءۇشىن قازاقستانعا العىسىن ءبىلدىردى.

سونىمەن قاتار، ق. توقايەۆ قازاقستانداعى پاكىستان ەلشىسى يمتياز احماد كازيمەن كەزدەسۋ بارىسىندا ازيا ايماعىنداعى پاكىستاننىڭ ماڭىزدى ءرولىن، قازاقستاننىڭ وسى مەملەكەتپەن ساياسي جانە ەكونوميكالىق ىنتىماقتاستىعىن كۇشەيتۋ نيەتىن اتاپ ءوتتى.

سەنات ءتوراعاسى پاكىستان مەن ءۇندىستان اراسىنداعى شيەلەنىستى جاعدايدىڭ تەز ارادا شەشىلۋىنە مۇددەلىلىگىن جەتكىزدى: «ەكى ەل اراسىنداعى اشىق ءارى سىندارلى ساياسي جانە ديپلوماتيالىق ءۇنقاتىسۋ قازىرگى داعدارىستان شىعۋدىڭ ءتيىمدى، قولايلى بىردەن- ءبىر جولى بولىپ تابىلادى دەپ سانايمىز» ، - دەدى ول.

سوڭعى جاڭالىقتار