قۇلاعىن ماقتالى تاياقشامەن تازالاعان ازاماتتىڭ ميى ىرىڭدەپ كەتتى

 استانا. قازاقپارات - 31 جاستاعى بريتاندىق ازامات سول قۇلاعى اۋىراتىنىن ايتىپ، تەراپيەۆتكە(دارىگەرگە -رەد.) بارعان.

ول 10 كۇن بويى ءوزىن جايسىز سەزىنىپ، جۇرەگى اينىپ جۇرگەنىن العا تارتىپتى.

بۇل تۋرالى ca-news.org سايتى.

ەشقانداي ءدارى-دارمەك كومەكتەسپەگەن سوڭ ازامات ەسىنەن تانىپ، اۋرۋحانادان ءبىر-اق شىققان. مەديتسينالىق مەكەمەدە جاتقان ول ەسىن جوعالتىپ، ادامداردىڭ ەسىمىن شاتاستىرا باستاپتى.

وعان قوسا، بريتانيالىق سوڭعى بەس جىلدا سول قۇلاعىمەن دۇرىس ەستىمەي جۇرگەنىن ايتقان كورىنەدى.

ناۋقاسقا كومپيۋتەرلىك توموگرافيا جاسالعان سوڭ ونىڭ ميىندا ءىرىڭنىڭ قابىنعانىن، ال ەستۋ جولىندا بەلگىسىز زاتتىڭ بار ەكەنىن انىقتاعان.

وسىلايشا، ميعا وتا جاساعان اق حالاتتىلار قۇلاقتا اق ماقتانىڭ قالىپ كەتكەنىن كورەدى.

قۇلاقتىڭ اۋرۋىنا سەبەپكەر بولعان ماقتانى الىپ تاستاعان سوڭ ناۋقاس ءوزىن جاقسى سەزىنە باستاعان. دارىگەرلەردىڭ سوزىنشە، ونىڭ جۇيكە جۇيەسىندە ەشقانداي اۋرۋلار جوق.