نورۆەگيالىق ساياحاتشى بالقاش كولىن شاڭعىمەن كەسىپ ءوتتى

None
None
الماتى. قازاقپارات - نورۆەگيالىق ساياحاتشى ۋيليام بيحولت بەتىن مۇز باسقان بالقاش كولىنىڭ ءۇستىن شاڭعىمەن 23 كۇندە كەسىپ ءوتتى، دەپ حابارلايدى قازاقپارات ءتىلشىسى.

ونىڭ قازاقستانعا ساپارىنا قازاق گەوگرافيا قوعامى دەمەۋشىلىك جاسادى. قوعام قىزمەتكەرلەرى ۋيليامگە قاجەت جەردە تەحنيكالىق نەمەسە اقپاراتتىق قولداۋ كورسەتىپ وتىردى.

ولار جيھانكەزبەن جەرسەرىك بايلانىسى بار تەلەفونى ارقىلى ۇنەمى حابارلاسىپ وتىرعان.

ساياحاتشىنىڭ ءوزى قازاقستانعا كەلۋدى جارتى جىلدان بەرى جوسپارلاعان. ساپارىن باستاماس بۇرىن اقپارات ىزدەگەندە، بالقاش كولىن بۇرىن- سوڭدى شاڭعىمەن ەشكىم كەسىپ وتپەگەنىن انىقتاعان.

Норвегиялық саяхатшы Ð'алқаш көлін шаңÒ

«قازاق گەوگرافيا قوعامىمەن بايلانىسقا شىقتىم. ولار اقپارات تابۋىما كومەكتەستى. بۇل مەن ءۇشىن وتە قىزىق تاجىريبە بولدى. كۇندەرىم ءبىر- بىرىنە ۇقسامادى. بۇل جاي عانا كول ەمەس. قايناعان تىرشىلىك ورتاسى ەكەن. مەن قاسقىرلاردىڭ ءىزىن كوردىم. بالىقشىلارمەن تانىستىم» ، - دەدى ساياحاتشى.

ۋيليام بيحولت بالقاشقا شاڭعىسىمەن قاتار، مۇزدا تايمايتىن ارنايى اياق كيىم الىپ شىققان.

«قازاق گەوگرافيا قوعامى» قوعامدىق ۇيىمىنىڭ جوبالار بويىنشا مەنەدجەرى ماعجان ساعىمبايەۆتىڭ ايتۋىنشا، ەكسپەديتسيا بارىسىندا ەڭ قيىنى سپورتشىنى كولگە شەيىن جەتكىزۋ بولعان. سەبەبى كولدىڭ وزىنە شەيىن تىكە باراتىن جول سالىنباعان.

Норвегиялық саяхатшы Ð'алқаш көлін шаңÒ

«جول بويىندا ول بىردە ءبىر ەلدىمەكەنگە سوقپادى، دۇكەندەرگە كىرمەدى. سۋدىڭ دا، ازىعىنىڭ دا دا قورىن تولىقتىرماعان. وقىس جاعدايدان ساقتانۋ ءۇشىن ونىمەن سپۋتنيك بايلانىسى ارقىلى حابارلاسىپ وتىردىق» ، - دەدى ماعجان ساعىمبايەۆ.

نورۆەگ سپورتشىسى 2010 -جىلدان باستاپ ەكسترەمالدى ساياحاتپەن اينالىسىپ كەلەدى. ول الەمنىڭ 79 ەلىندە بولعان. كوبىنەسە ادام اياعى باسپاعان بەيتانىس جەرلەرگە ساپار شەككەندى ۇناتادى.

ەسكە سالا كەتسەك، نورۆەگيالىق ساياحاتشىنىڭ شاڭعىمەن بالقاش كولىنىڭ مۇز، قار باسقان 570 شاقىرىمىن كەسىپ ءوتۋ جونىندەگى ەكسپەديسيانىڭ ءبىر كۇنى جايلى بۇعان دەيىن جازعان بولاتىنبىز.

Норвегиялық саяхатшы Ð'алқаш көлін шаңÒ

قازاق گەوگرافيالىق قوعامىنىڭ حابارلاۋىنشا، ۋيليام بيحولت تاۋەلسىز قازاقستاننىڭ تاريحىندا العاش رەت جالعىز ءوزى بالقاشتى شاڭعىمەن كەسىپ وتكەن ادام بولدى.

سوڭعى جاڭالىقتار