سەمەيدەگى بالاباقشالاردى قىدىر اتا ارالاپ ءجۇر
قىدىر اتا بالالاردى كەلە جاتقان مەرەكەمەن قۇتتىقتاپ، بۇلدىرشىندەرگە ءوز باتاسىن بەردى.
«بالالار قىدىر اتا كەلگەندە قاتتى قۋاندى، - دەيدى قالالىق مادەنيەت جانە تىلدەردى دامىتۋ ءبولىمىنىڭ باسشىسى نازەركە اققوجينا. - ەرتەڭگىلىكتەر قىزىقتى ءارى تانىمدى ءوتىپ جاتىر. قىدىر اتا بالالارعا ناۋرىز تۋرالى، شاشۋ مەن باتا سياقتى قازاق ادەت- عۇرىپتارى جايلى اڭگىمەلەيدى. كوپتەگەن بالالار قىدىر اتا مەن سالت- داستۇرلەر تۋرالى جاقسى بىلەدى ەكەن. بۇل ءبىزدى ءبىزدى قۋانتتى».
قىدىر اتا كۇنىنە ەكى بالاباقشاعا بارادى. جالپى 21 - ناۋرىزعا دەيىن 20 مەكتەپكە دەيىنگى مەكەمەنى قامتۋ جوسپارلانىپ وتىر. قىدىر اتانىڭ ءرولىن قالانىڭ قوعامدىق ومىرىنە بەلسەندى ارالاسىپ جۇرگەن زەينەتكەرلەر وينايدى.
ايتا كەتەيىك، بيىل سەمەيدە ناۋرىز تويى ءبىر اپتاعا سوزىلادى. ۇلىستىڭ ۇلى كۇنى ناۋرىزدىڭ 14-دە ەرتىستىڭ جاعاسىندا باستالدى. مەرەكە 21 - ناۋرىزعا دەيىن جالعاسادى. ال 22 - ناۋرىز كۇنى كوكتەم مەرەكەسى قالانىڭ 5 الاڭىندا تويلانادى. ءداستۇر بويىنشا باستى جيىندار ورتالىق الاڭدا وتپەك.