+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

الەمنىڭ بارىنە بەلگىلىنىڭ بەلگىسىز قىرلارى

13 قاڭتار 15:56
:ءبولىسۋ
الەمنىڭ بارىنە بەلگىلىنىڭ بەلگىسىز قىرلارى

نۇر-سۇلتان. قازاقپارات - مىسىر ەلىندەگى گيزا ۇستىرتىندە تۇرعان ۇلى سفينكس، ەڭ بەرى بولعاندا، ءبىزدىڭ داۋىرىمىزگە دەيىنگى 14 -عاسىردان باستاپ يىعىنا دەيىن قۇمعا كومىلىپ تۇردى.

ول تەك 1936 -جىلى عانا تۇبەگەيلى قازىپ الىندى.

يۋلي سەزار شەيىت بولعان توررە- اردجەنتينا الاڭى قازىر... يەسىز قاڭعىرىپ جۇرگەن جۇزدەگەن مىسىقتىڭ «قورىعىنا» اينالدى.

1923 -جىلى ءبىر ارحەولوگ دۇنيە جۇزىنە تانىمال ستوۋنحەدجدىڭ ءتۇبىن قازىپ جاتىپ پورتۆەين شولمەگىن تاۋىپ الىپتى. ونى 1802 -جىلى باسقا ارحەلوگ بولاشاق «جەرقازارلارعا» ارناپ جازعان سالەمحاتىن سالىپ قالدىرعان ەكەن.

1967 -جىلى لوندون كوپىرىن اۋىستىرۋ تۋرالى شەشىم قابىلداندى، ويتكەنى ول ءار جىل سايىن شامامەن ءبىر ديۋيمگە (2.5 سانتيمەترگە جۋىق) سۋعا باتىپ وتىردى. وسىلايشا «لوندون كوپىرى قۇلاپ بارا جاتىر» («London bridge is falling down») ءانى ناعىز ساۋەگەيلىك بولىپ شىقتى. كوپىردى امەريكالىق كاسىپكەر روبەرت ماككالاحوم 2,46 ميلليون دوللارعا ساتىپ الىپ، اريزونا شتاتىنداعى لەيك- حاۆاسۋ- سيتي قالاسىنا اپارىپ، سول جەرگە ورناتتى.

لوندونداعى بيگ- بەن ساعاتىنىڭ دالدىگى بريتاندىق پەننيدىڭ (تيىن) ارقاسىندا بولىپ وتىر، تۋرا ماعىناسىندا وسىلاي. ساعاتتى دۇرىس جۇرگىزۋ ءۇشىن، ونىڭ ءجۇرىسىنىڭ ۇزاقتىعى مەن تەربەلىس دۇركىندىلىگىنە ىقپال ەتەتىندەي قىلىپ، تيىندار ماياتنيكتىڭ ۇشىنا ورنالاستىرادى. ءبىر پەننيدى قوسىپ قويۋ نەمەسە الىپ تاستاۋ ساعات ءجۇرىسىنىڭ جىلدامدىعىن تاۋلىگىنە 0,4 سەكۋندقا وزگەرتىپ وتىرادى.

مادريدتە تۇرعان اسپاننان قۇلاعان ليۋتسيفەردىڭ كەيپىندەگى ءمۇسىن بولىپ تابىلاتىن «جەرگە تۇسكەن پەرىشتە» سۋبۇرقاعى «كەزدەيسوق» تۇردە تەڭىز دەڭگەيىنەن 666 مەتر بيىكتىكتە ورناتىلىپ قالىپتى.

ناسا-نىڭ كاناۆەرال مۇيىسىندەگى عارىش كەمەلەرىن جانە زىمىران- تاسىعىشتاردى اقتىق مارتە قۇراستىرىپ جيناۋعا ارنالعان «تىك تۇرعىزىپ قۇراستىرۋ عيماراتىنىڭ» ۇلكەندىگى سونداي، ونىڭ ءوزىنىڭ ەرەكشە اۋا رايى بار. ىلعالدى كۇندەرى توبەسىندە جاڭبىر جاۋعىزاتىن بۇلتتار ءتۇزىلىپ قالادى.

ريمدەگى اۋليە پەتەر بازيليكاسى تاۋبە قىلعان دىنشىلدەرگە بەرىلەتىن يندۋلگەنتسيالار مەن كۇنالارىن كەشىرۋ تۋرالى ايرىقشا گراموتالاردى ساتۋدان تۇسكەن قاراجاتقا سالىنعان.

ۆاشينگتون ۇلتتىق سوبورىنا (شىركەۋ) كورىك بەرىپ تۇرعان وراسان زور مۇسىندەرىنىڭ ءبىرى - «Star Wars» تاعى دارت ۆەيدەردىڭ دۋلىعاسى.

جاپوننىڭ يتسۋكۋسيما ارالىندا بالا تۋۋعا جانە ولۋگە تىيىم سالىنعان. بۇنداي پارمەن ارالعا اتىن بەرگەن سينتويستىك عيباداتحانانىڭ «اۋليەلىك» قاسيەتىن ساقتاپ قالۋ ءۇشىن جاسالىپتى.

پاريجدەگى ەيفەل مۇناراسى ءار ءتۇرلى ءۇش رەڭگە سىرلانعان. اتموسفەرالىق پەرسپەكتيۆا ەففەكتىن بولدىرماۋ ءۇشىن مۇنارانىڭ ۇستىڭگى جاعى اشىق التىن تۇسكە، ال تومەنگى جاعى - قويۋىراق تۇسكە بويالعان.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات