استانادا قازاق دراما تەاترى قايدا سالىنادى

 استانا. قازاقپارات - استانادا جاڭا قازدرامتەاتر عيماراتىنىڭ سالىناتىن ورنى انىقتالدى، - دەپ حابارلايدى ەلوردا ينفو.

استانادا مەملەكەت مۇقتاجى ءۇشىن جالپى كولەمى التى گەكتار 47 جەر تەلىمىن الۋ جوسپارلانعان. بۇل جەرلەردە قازدرامتەاتردىڭ جاڭا عيماراتى سالىنادى. جەر ۋچاسكەلەرى استانا قالاسىنىڭ الماتى اۋدانىنداعى بايتۇرسىنوۆ جانە ناجىمەدەنوۆ كوشەلەرىنىڭ اراسىنداعى № 23-15 (جوبالىق اتاۋى) كوشەلەرى ارالىعىندا ورنالاسقان.

مەنشىك يەلەرى مەن جەر پايدالانۋشىلار استانا قالاسى اكىمدىگىنىڭ قاۋلىسى ب ا ق-تا جاريالانعاننان كەيىن ءۇش جۇمىس كۇنى ىشىندە مەملەكەت مۇقتاجى ءۇشىن جەر ۋچاسكەلەرى مەن وزگە دە جىلجىمايتىن مۇلىك الداعى ۋاقىتتا ماجبۇرلەپ يەلىكتەن شىعارىلعانى تۋرالى جازباشا حابارلاما الادى.

قاۋلىنىڭ ورىندالۋى ءۇشىن قارجىلاندىرۋ جانە جاۋاپكەرشىلىك استانا قالاسىنىڭ قۇرىلىس جانە تۇرعىن ءۇي ساياساتى باسقارماسىنا جۇكتەلگەن. مەنشىك يەلەرى مەن جەر پايدالانۋشىلار الداعى ۋاقىتتا ماجبۇرلەپ يەلىكتەن شىعارۋ تۋرالى حابارلاما العان ساتتەن باستاپ ءبىر اي ىشىندە استانا اكىمدىگىنە ءتيىستى ءوتىنىش بەرۋ ارقىلى كەلىسۋ راسىمدەرىنە باستاماشىلىق جاساۋعا قۇقىلى. قاۋلىنىڭ ىسكە اسىرىلۋىن باقىلاۋ استانا قالاسى اكىمىنىڭ ورىنباسارى اسقار امرينگە جۇكتەلدى. ايتا كەتەيىك، استانادا 1991 -جىلدان باستاپ قاليبەك قۋانىشبايەۆ اتىنداعى قازاق مۋزىكالىق دراما تەاترى جۇمىس ىستەيدى.

تەاتردىڭ كوركەمدىك جەتەكشىسى تالعات تەمەنوۆ. «سامۇرىق- قازىنا» ۇلتتىق ءال-اۋقات قورىنا استاناداعى قازاق دراما تەاترىنىڭ قۇرىلىسىن قارجىلاندىرۋدى تاپسىرىلدى. بۇل تۋرالى ۇكىمەتتىڭ 2019 -جىلعى 11 -ناۋرىزداعى № 93 -قاۋلىسىندا حابارلانادى.