ءبىلىم گرانتتارىن تاعايىنداۋ جۇيەسىندە وزگەرىس بولادى - ب ع م

استانا. قازاقپارات - بيىل ماگيستراتۋعا بولىنەتىن ءبىلىم گرانتتارىنا قاتىستى ءبىرقاتار وزگەرىستەر بولادى، دەپ حابارلايدى قازاقپارات ءتىلشىسى.

ق ر ءبىلىم جانە عىلىم ۆيتسە-ءمينيسترى تالعات ەشەنقۇلوۆتىڭ ايتۋىنشا، بۇگىندە ءبىلىم گرانتتارىن تىكەلەي جوعارى وقۋ ورىندارىنا تاراتۋعا باسىمدىق بەرىلمەيدى. ۇ ب ت-دا جوعارى ۇپاي العان مەكتەپ تۇلەگى قاي وقۋ ورنىن تاڭداسا، سول جەرگە گرانت بەرىلەدى. وسىلايشا، جان باسىنا قاراي قارجىلاندىرۋ جۇيەسى بىرتىندەپ ەنگىزىلىپ كەلەدى.

«وتكەن جىلى اتالعان باستاما ماگيستراتۋدا 21 ماماندىق بويىنشا سىناقتان وتكىزىلگەن بولاتىن. بيىل زاڭ نورمالارى بويىنشا ماگيستراتۋرا ءبولىمى گرانت تاعايىنداۋدىڭ جاڭا مودەلىنە تولىعىمەن كوشەدى. وسىنىڭ ارقاسىندا ماگيستراتۋراعا تۇسكەن ادام گرانتتى الادى دا، جوعارى وقۋ ورنىن ءوزى تاڭدايدى. سوعان قاراي مەملەكەتتىك تاپسىرىس تا جاسالادى، جوعارى وقى ورىندارى گرانتقا تۇسكەن ماگيسترانتتاردىڭ تاڭداۋىنا قاراي قارجىلاندىرىلادى»، - دەدى ت. ەشەنقۇلوۆ ق ر پارلامەنت ماجىلىسىندە وتكەن دوڭگەلەك ۇستەلدە.

ۆيتسە-ءمينيستردىڭ سوزىنە قاراعاندا، گرانتتاردى تاعايىنداۋدىڭ جاڭا جۇيەسى تەك دوكتورانتۋراعا عانا قاتىسى جوق. ول جەردە بۇرىنعىداي مەملەكەتتىك تاپسىرىس تىكەلەي جوعارى وقۋ ورىندارىنا بەرىلەدى.

«جالپى، سوڭعى ءۇش جىلدىڭ ىشىندە مەملەكەتتىك تاپسىرىس 1,7 ەسەگە ءوستى»، - دەپ اتاپ كورسەتتى ت. ەشەنقۇلوۆ.