گرانتتار جانە شاكىرتاقىعا ۇستەمە - مينيسترلىك جاستاردى قولداۋ تەتىكتەرىن اتادى

استانا. قازاقپارات - ق ر قارجى ۆيتسە- ءمينيسترى تاتيانا ساۆەليەۆا ناقتىلانعان رەسپۋبليكالىق بيۋدجەت بويىنشا جاستاردى قولداۋ ءۇشىن قاراجات قانداي باعىتتا جۇمسالاتىنىن اتادى، دەپ حابارلايدى قازاقپارات ءتىلشىسى.

«ناقتىلانعان بيۋدجەت جوباسىنا جاستار جىلىنا بايلانىستى تولىقتىرۋلار ەنگىزىلدى. اتالمىش باعىتتا، ياعني جاستاردى قولداۋ ءۇشىن رەسپۋبليكالىق بيۋدجەتتەن قوسىمشا 24,6 ميلليارد تەڭگە ءبولۋ قاراستىرىلعان» ، - تاتيانا ساۆەليەۆا پارلامەنت ءماجىلىسىنىڭ ق ر- نىڭ 2019-2023 -جىلدارعا ارنالعان الەۋمەتتىك- ەكونوميكالىق دامۋ بولجامىن ناقتىلاۋعا ارنالعان وتىرىسى بارىسىندا

ونىڭ ايتۋىنا قاراعاندا، جالپى 10,7 ميلليارد تەڭگەنى قۇرايتىن «جاس كاسىپكەر» باعدارلاماسىن جۇزەگە اسىرۋ كوزدەلگەن. ياعني، بۇل باعىتتا «باستاۋ بيزنەس» جوباسى بويىنشا جاستاردى وقىتۋ ورىندارىنىڭ سانى 15 مىڭعا كوبەيمەك. ول كۋرستاردا جاستارعا بيزنەس- جوسپار قۇرۋ سەكىلدى ماڭىزدى تاقىرىپتار ۇيرەتىلەدى.

«الداعى ۋاقىتتا 18-29 جاس ارالىعىنداعى 200 ادامعا 3 ميلليون تەڭگەلىك گرانت ءبولۋ جوسپارلانىپ وتىر. بۇل ءۇشىن «بيزنەستىڭ جول كارتاسى» باعدارلاماسى شەڭبەرىندە 600 ميلليون تەڭگە شىعىنداۋ كەرەك بولادى. گرانتتار يننوۆاتسيالىق، ى ت جانە قاجەتتىلىگى جوعارى بيزنەس- جوبالارعا بولىنەدى. بۇل باعىتتاعى جۇمىس كاسىپكەرلىك تۇرعىدا جوعارى الەۋەتى بار جاستاردى قولداۋعا سەپ بولادى» ، - دەيدى قارجى ءمينيسترىنىڭ ورىنباسارى.

سونىمەن بىرگە، «ەڭبەك» جاپپاي كاسىپكەرلىك پەن ءتيىمدى جۇمىسپەن قامتۋ مەملەكەتتىك باعدارلاماسى شەڭبەرىندە بيزنەس- يدەيالار بويىنشا 9 مىڭ مەملەكەتتىك گرانت بولىنەدى.

«گرانتتار «بيزنەس- باستاۋ» جوباسى بويىنشا كاسىپكەرلىك نەگىزدەرى كۋرسىنان وتكەن جاستارعا بەرىلەدى. سونىمەن قاتار، «جاس مامان» جوباسى شەڭبەرىندە بيىل 8 ميلليارد تەڭگەگە 180 كوللەدج، جاڭعىرتىلادى. ول قاراجاتتىڭ 7,3 ميلليارد تەڭگەسى ماتەريالدىق- تەحنيكالىق بازانى قاجەتتىلىكپەن قامتاماسىز ەتۋگە جۇمسالادى. بۇگىنگى كۇنى ق ر ءبىلىم جانە عىلىم مينيسترلىگى كوللەدجەردى ءتيىستى قۇرىلعىلارمەن قامتاماسىز ەتۋ سۇراقتارىن پىسىقتاۋدا» ، - دەيدى ول.

سونىمەن قاتار، شەتەلدىك مامانداردى تارتۋعا 720 ميلليون تەڭگە جۇمسالادى. ۆيتسە- ءمينيستردىڭ ايتۋىنشا، بۇل جۇمىس كوللەدج قىزمەتكەرلەرىن جابدىقپەن جۇمىس ىستەۋگە جانە ساتىپ الىنعان جابدىقتارعا قاتىستى ءبىلىم بەرۋ باعدارلامالارىن قايتا باعىتتاۋعا مۇمكىندىك بەرەدى.

 «سونىمەن بىرگە، بيىل مەكتەپتە، بالاباقشالاردا، ارنايى مەكتەپتەردە، جاستاردى قولداۋ ورتالىقتارىندا، قارتتار ۇيىندە قوعامدىق پايدالى جۇمىستارمەن اينالىساتىن 10 مىڭ ستۋدەنتتىڭ شاكىرتاقىسىن 30 پايىزعا نەمەسە  6285 تەڭگەگە ءوسىرۋ ءۇشىن 250 ميلليون تەڭگە باعىتتالادى» ، - دەيدى ۆيتسە- مينيستر.

ەسكە سالا كەتسەك، ەلباسى جارلىعىمەن 2019 -جىل جاستار جىلى بولىپ جاريالانعان بوالتىن.