پەتروپاۆلدا ناۋرىزعا جەتى ءتۇرلى كيىز ۇيلەر تىگىلەدى

None
None
پەتروپاۆل. قازاقپارات - وڭىرلىك كوممۋنيكاتسيالار قىزمەتىندە وتكەن جيىندا مادەنيەت باسقارماسى باسشىسىنىڭ مىندەتىن اتقارۋشى دوسبول ءابدىرىسوۆ پەتروپاۆل ناۋرىزدى قالاي تويلايتىنى تۋرالى ايتىپ بەردى، دەپ حابارلايدى قازاقپارات ءتىلشىسى.

 نەگىزگى شارالار 21 - ناۋرىز كۇنى وبلىس اكىمدىگىنىڭ الدىنداعى باستى الاڭدا وتەدى. وندا تەاتر قويىلىمدارى، قازاقتىڭ ۇلتتىق سالت- داستۇرلەرى، ساۋىق- سايراندار، سپورت جارىستارى بولادى.

«باس الاڭ ەلباسىنىڭ «ۇلى دالانىڭ جەتى قىرى» ماقالاسىندا ايتىلعان پىكىرلەردى ەسكەرە وتىرىپ بەزەندىرىلەدى. جەتى ءتۇرلى تاقىرىپقا ارنالعان كيىز ۇيلەر تىگىلەدى. ولاردىڭ بىرىندە ەنەوليت ءداۋىرىنىڭ «ات ءمىنۋ مادەنيەتى، بوتاي كورمەسى» اتتى ارحەولوگيالىق مادەنيەت كورسەتىلەدى. ەكىنشىسى - «ۇلى دالانىڭ ەجەلگى مەتاللۋرگياسى»، ءۇشىنشىسى - «اڭ ءستيلى»، ءتورتىنشىسى - «التىن ادام»، بەسىنشىسى - «تۇركى دۇنيەسىنىڭ بەسىگى» التىنشىسى - «ۇلى جىبەك جولى»، جەتىنشىسى - «قازاقستان - الما مەن قىزعالداقتىڭ وتانى» دەپ اتالادى»، - دەدى د. ءابدىرىسوۆ.

ونىڭ ايتۋىنشا، قولونەرشىلەر كورمەسىنە رەسەيدىڭ شەكارا ماڭىنداعى وڭىرلەرىنەن دە شەبەرلەر كەلەدى.

اقىن ەرىك اسقاروۆتىڭ 60 جىلدىعىنا ارنالعان رەسپۋبليكالىق اقىندار ايتىسى بولادى.

اۆتور: ولەسيا جۋكوۆەن

سوڭعى جاڭالىقتار