ساۋىردەن باستاپ سۋعا ارتىق تولەگەن تۇرعىندارعا اقشاسى قايتارىلادى - الماتى وبلىسى
وسىعان وراي، ءساۋىر ايىنان باستاپ ارتىق تولەنگەن كوممۋنالدىق تولەمدەر تۇرعىندارعا تومەندەتىلگەن تاريف تۇرىندە قايتارىلادى، - دەپ حابارلايدى قازاقپارات ءتىلشىسى.
پروكۋرورلىق تەكسەرىس شەڭبەرىندە مونوپوليستەرمەن شىعىنداردى زاڭسىز اسىرا كورسەتۋ، ونىڭ ىشىندە تاريفتىك سمەتاعا قوسىمشا جۇمىس ورىندارىن ەنگىزۋ، مۇلىكتى قالپىندا ۇستاۋ سياقتى نەگىزدەلمەگەن شىعىنداردى قوسۋ فاكتىلەرى انىقتالدى. مىسالى، «تالعار سۋ» م ك ك- دا تاريفتىك سمەتاعا نەگىزسىز 78 ميلليون تەڭگەنى ارتىق قوسۋ سالدارىنان 37 مىڭ ازامات سۋدى قولدانۋعا ارتىق تولەم تولەپ وتىرعان.
«الماتى وبلىسىنىڭ 220 مىڭ سۋ تۇتىنۋشىسىنا ارتىق تولەنگەن 400 ميلليون تەڭگە كوممۋنالدىق تولەمدەرى قايتارىلادى. وسىعان وراي، پروكۋراتۋرانىڭ تالابى بويىنشا اعىمداعى جىلدىڭ ءساۋىر ايىنان باستاپ ارتىق تولەنگەن كوممۋنالدىق تولەمدەر تۇرعىندارعا تومەندەتىلگەن تاريف تۇرىندە قايتارىلادى جانە ول تۋرالى تۇبىرتەكتەردە بولەك باعانادا كورسەتىلەدى»، - دەپ مالىمدەدى الماتى وبلىسى پروكۋراتۋراسىنىڭ باسپا ءسوز قىزمەتى.
ودان بولەك، وبلىستىڭ 60 ەلدى مەكەنىندە بەكىتىلگەنءتاريفتىڭ بولماۋى سەبەبىنەن، قىزمەت كورسەتۋشى مەكەمەلەر سۋ تۇتىنۋ باعاسىن ءوز قالاۋى بويىنشا بەلگىلەگەن. پروكۋراتۋرانىڭ تاپسىرماسىنا سايكەس اتالعان فاكتى قۇزىرەتتى ورگانمەن تەكسەرىلۋدە.